GULLIGAST Ximnasio para bebé, multicolor
Como conseguilo
- Lavable á máquina
Un ximnasio para bebés con divertidas figuras para xogar e un espello no que o teu fillo pode mirarse a cara e os seus movementos. Todo isto mentres está tombado sobre un tapete suave e mol, perfecto para que empece a tirarse a rebolos.
Detalles do produto
Neste ximnasio para bebés, o teu fillo estará tombado sobre un tapete suave e mol e poderá mirarse no espello e xogar con tres animais e dúas vistosas flores. As figuras son suaves e poden quitarse se o teu bebé quere collelas e tocalas.
Algúns dos obxectos que penduran do ximnasio para bebé fan ruídos. A flor vermella é un axóuxere, o coello chía cando se lle preme a barriga, e as orellas do rato fan un son como o envoltorio dun caramelo.
Os xoguetes da colección GULLIGAST axudan o teu bebé a desenvolver os sentidos e descubrirse a si mesmo e ao mundo que o rodea. Un agasallo ideal para un meniño que acaba de nacer.
Stina Lanneskog
Medicións
- Ancho: 90 cm
- Altura: 49 cm
Opinións dos clientes
Accesorios para GULLIGAST
Explora as túas opcións
Proba os mobles e a decoración nun espazo virtual antes de mercar para atopar os que mellor se adapten ao teu fogar.
Unha excursión ao bosque dun conto de fadas
Desde as primeiras etapas da vida, os nenos pequenos adoran saír a descubrir o mundo que os rodea, unha actividade que axuda a desenvolveren os seus sentidos a unha velocidade incrible. A colección de xoguetes para bebés GULLIGAST é como o bosque dun conto de fadas, está chea de animais e plantas fantásticas que estimulan o seu crecemento por medio de cores, formas e sons. É como unha invitación a tocaren, tiraren, escoitaren e observaren.
O coello, o rato e outros animais van, veñen e xogan no mundo fantástico creado por Stina Lanneskog. "Convertín GULLIGAST no bosque dun conto de fadas. Talvez sirva para o teu bebé imaxinar as súas propias historias mentres lle cambias o cueiro e lle falas dos animais que hai no xoguete móbil".
Detalles pequenos pero moi significativos
Todos os detalles dos animais están coidadosamente pensados para mellorar os distintos sentidos do neno. "Marcados contrastes de cores, movemento e o son da orella do coello serven de estímulo para o ouvido e os ollos e prenden a faísca da curiosidade. Para coller algo coas mans é importante adestrar a coordinación entre os ollos e as propias mans", explica Stina. Pode que non percibas todos os detalles de primeiras, mais están aí por algo. "O coello ten pestanas bordadas que lle dan personalidade e un aspecto amigable".
Xoguetes duradeiros
Todas as partes de GULLIGAST están pensadas para bebés acabados de nacer e para os que xa teñen un par de meses e xa poden coller e suxeitar os animais. Podes despegalos do xoguete móbil e darllos na man, xa que están pensados para que lles dean bicos e lles tiren das orellas. "Despois, cando ao teu bebé lle interesen máis outros xoguetes, un irmán máis novo ou outro bebé poderá herdar GULLIGAST e emprender a mesma viaxe de descubrimento".