BRÄNNBOLL Cadeira sala gaming, Knisa azul vivo
Como conseguilo
Cadeira de brazos ou poltrona? Ti elixes, porque o coxín é fácil de abrir e gardar. En realidade tanto ten, o que é certo é que será a túa mellor compañeira á hora de botar unha partida ou unha soneca.
Detalles do produto
Podes utilizar a poltrona para relaxarte ou botar unha partida, co coxín aberto ou pechado.
Este produto está feito con resortes ensacados que axudan a o coxín conservar a forma para acompañarte durante moitas partidas.
A estrutura de aceiro carbono é unha garantía de estabilidade e resistencia. O respaldo inclinado permite adoptar unha posición relaxada mentres botas unha partida.
Grazas ás súas rodas, podes levar a poltrona onde queiras e desfrutar dun lugar cómodo desde o que botar as túas partidas.
Esta funda está confeccionada con tecido Knisa en poliéster tinguido en masa. Un material duradeiro moi agradable ao tacto.
A funda da poltrona pódese lavar á máquina a 40 °C.
A poltrona ten un deseño sinxelo e pulcro que permite combinala facilmente con outros elementos decorativos que teñas na casa.
Casa moi ben coa mesa auxiliar BRÄNNBOLL con rodas.
Marta Krupińska
Medicións
- Ancho: 73 cm
- fondo: 88 cm
- Altura: 80 cm
- anchura do asento: 65 cm
- Fondo do asento: 61 cm
- altura do asento: 43 cm
Opinións dos clientes
Preparados para botar unha partida e para todo o que a maiores veña
Na actualidade, botar unha partida aos videoxogos ofrece moitas posibilidades: podes xogar nunha plataforma, só ou en compañía e en case calquera estancia da casa. Con BRÄNNBOLL queriamos crear unha colección de mobles e accesorios que se adaptase ao mundo gaming de hoxe, pero cun toque caseiro.
Philip Dilé, desenvolvedor de produtos, encargouse de estudar as novas necesidades dos gamers. As súas conclusións foron que estes produtos debían satisfacer as necesidades do mundo gamer e mellorar a experiencia, pero tamén debían ser aproveitables de máis maneiras cando non se estivesen a usar para a súa finalidade orixinal. Especialmente cando gamers e non gamers viven xuntos e os espazos non son precisamente amplos. "Por iso é tan importante a posibilidade de cambiar de actividade facilmente. Todo se reduce a dúas cousas: deseño e prestacións", di Philip. "As pezas flexibles e móbiles son unha parte importantísima, como importante é o aspecto tamén".
Non todo ten que ser negro
O noso equipo de deseño púxose mans á obra. Unha das integrantes, Marta Kuprińska, deixouse levar pola súa intuición. E que viu? Cores. "Quería algo atrevido. No caso da poltrona, mesmo quería ser un chisco rebelde. Cando o prototipo gris chegou da fábrica, ás caladas púxenlle unha funda azul claro e deixeina no departamento de deseño. Cando a viron, o resto do equipo sentiuse entusiasmado". "Pero se non che vai moito o azul, que saibas que tamén está dispoñible en gris escuro", di Marta rindo.
Todo o que necesitas
A colección BRÄNBOLL está pensada para satisfacer distintas situacións domésticas. A idea non pasa por acumular cousas e cousas. A idea é encontrar o equilibrio exacto. "Como no caso da poltrona. Pódela usar como usarías unha poltrona calquera, ou para botar unha partida tranquilamente. Ademais, esta inclúe rodas, polo que a podes levar contigo onde queiras", di Marta. Non é necesario ser un gamer para adorar e utilizar estes produtos. O certo é que non sabemos quen os usará, nin como. "E iso é o mellor. Encántame cando a xente utiliza os nosos produtos de maneiras insospeitadas".
A idea tras o produto
A idea tras o produto
"Unha cadeira de brazos normal? Para nada! Podes abrir o coxín da cadeira de brazos BRÄNNBOLL para que así poidas estarricar as pernas mentres xogas ou te relaxas. Debaixo da funda lavable do coxín hai uns cómodos resortes ensacados que ofrecen un bo soporte para que te poidas relaxar e dar o máximo. Sorprenderate que fácil é de mover. As rodas daranche a sensación de ser un superheroe con poderes máxicos".