Saltar
GL ESgalego

Sete ideas sinxelas para decorar a oficina

Buscas solucións sinxelas para mellorar unha oficina? Da igual o tamaño que teña a oficina, estas ideas de decoración marcarán sen dúbida unha gran diferencia. Aquí atoparás de todo para a túa oficina, dende organizadores e plantas ata cadeiras e lámpadas.

Cadeiras de reunións TOSSBERG ao redor dunha mesa con purificador de aire STARKVIND nunha zona con cortinas e moitas plantas.
Cadeiras de reunións TOSSBERG ao redor dunha mesa con purificador de aire STARKVIND nunha zona con cortinas e moitas plantas.

1. A orde é clave para a produtividade

Os arquivadores, caixas, cestas e outros artigos semellantes son indispensables na oficina e, ás veces, adoitamos esquecelos. Dedica un momento a ordenar documentos importantes e as cousas que usas decotío. O tempo que lle dediques agora axudarate a ser máis eficiente no futuro; ademais, servirá para ter a oficina máis ordenada, algo fundamental para poder concentrarte.

Velaquí todas as solucións de almacenaxe e os organizadores pequenos
Detrás duns escritorios hai un armario IVAR de madeira de piñeiro coas portas abertas; dentro hai unhas caixas con tapa HARVMATTA en antracita e uns arquivadores.
Un armario TROTTEN de metal en branco con portas corredizas parcialmente abertas; dentro hai varios libros e arquivadores KUGGIS en branco.
Velaquí todas as solucións de almacenaxe e os organizadores pequenos

2. Aproveita as paredes

Un taboleiro perforado SKÅDIS é unha solución moi versátil para a parede, xa que decora e resulta moi útil, ben sexa un só, ben varios (se hai sitio). Personalízao con accesorios como pinzas, ganchos, andeis e cestos para ordenar as túas cousas e telas sempre á man. Calquera se atreve a quitarlle o posto de empregado do mes ao taboleiro perforado…

Velaquí a serie SKÅDIS
Un taboleiro perforado SKÅDIS en branco montado na parede con material de oficina como unhas tesoiras, uns cables e notas adhesivas en ganchos e pinzas.
Parede dunha oficina con catro taboleiros perforados SKÅDIS en branco con cartas e debuxos de colaboradores/as en soportes para revistas e pinzas.
Velaquí a serie SKÅDIS

3. Uns toques naturais para crear un ambiente máis apracible

Abre a porta á natureza, aínda que sexa de xeito figurado. As oficinas cun deseño biofílico que empregan materiais naturais e vexetación teñen un ambiente máis apracible e fomentan a creatividade. Poderías usar separadores de ambientes cun motivo que simula as ondas na area, plantas, acabados de madeira, vasos con flores ou mesmo plantas artificiais nas paredes.

Velaquí todas as plantas e flores
Postos de traballo nunha oficina con pantallas acústicas MITTZON en beixe cun acabado semellante á area, uns escritorios e cadeiras de oficina GRÖNFJÄLL en gris-verde.
Unhas flores finas dentro dun floreiro BEGÄRLIG de cristal transparente xunto a outros floreiros enriba dun armario FRYKSÅS.
Unha parede cuberta de plantas FEJKA cun televisor no centro dunha sala de reunións, onde hai varias persoas reunidas en mesas altas.
Unha sansevieria nun testo NYPON de plástico gris que semella formigón nun amplo peitoril amarelo dunha ventá a carón de varias monsteras.
Catro escritorios TROTTEN en beixe/branco nunha oficina diáfana; os escritorios están dispostos de tal xeito que no medio hai un oco cunha planta alta.
Velaquí todas as plantas e flores

4. Que non falten as cores

Ata a persoa máis disciplinada sabe apreciar o inesperado. Rompe coa monotonía na oficina e afástate un pouco do beixe, o negro e o branco. Atrévete con outras cores ou motivos onde poidas: cadeiras, alfombras, cadros, cortinas, fundas de coxín… Un toque alegre axuda a crear un ambiente máis acolledor e distendido na oficina.

Un espazo cunha mesa para portátil á beira dun sofá modular LILLEHEM en vermello de liñas rectas e sen repousabrazos visto dende o lateral.
Unha oficina xuvenil con paredes azuis, armarios de parede en diferentes cores e cadeiras de oficina SMÖRKULL en Gräsnäs de cor vermella.

5. Mellora o ambiente coa iluminación

Unha lámpada achega carácter a unha oficina e realza a imaxe corporativa. A imaxe da túa empresa transmite certa nostalxia? É máis ben unha empresa moderna e actual? Ou trátase dunha empresa inspirada na natureza e a conciencia ecolóxica? Sexa cal for o estilo, unha boa iluminación das áreas de traballo é fundamental para que todas as persoas poidan concentrarse e ser produtivas. Esta iluminación podería combinar, por exemplo, a luz natural con unha iluminación xeral e unha luz funcional sen lampexo.

Velaquí todas as lámpadas
Nunha sala de reunións hai tres lámpadas de teito JÄRPLIDEN de cristal branco/acabado niquelado penduradas no centro por enriba dunha mesa e varias cadeiras de reunións.
Unha lámpada de traballo MODERMOLN cromada enriba dunha mesa pregable en verde. O cabezal con forma de pinga da lámpada está inclinado e apunta cara a un portátil.
Unha lámpada de pé SIMRISHAMN cromada de tres brazos con esferas de cristal en branco ópalo a carón dunha cadeira de brazos BINGSTA amarelo escuro.
Unha lámpada de pé LED VÅGHÖJD regulable xunto a un sofá. O brazo largo da lámpada apunta cara a abaixo e aluma un libro que hai no sofá.
Unha pantalla de lámpada de teito DYKARKLOCKA con aros de chapa de carballo pintados de branco colgada sobre unha mesa de conferencias MITTZON redonda e unhas cadeiras.
Velaquí todas as lámpadas

6. Crea unha zona de descanso que sirva para conectar

Ben falando de como foi a finde, ben falando do tempo ou escachando coa risa, cando os/as colaboradores/as socializan, estreitan lazos e cimentan as relacións. Asegúrate de que na túa oficina haxa un espazo acolledor para facer unha pausa, tomar café, eliminar barreiras e obter feedback de xeito informal.

Unha sala de reunións e unha zona de descanso cunha persoa sentada á beira dunha mesa de centro JAKOBSFORS de chapa de carballo cunhas flores e uns aperitivos enriba.
Dous armarios IDÅSEN con portas e caixóns de cor verde escura contra a parede dun comedor. Enriba deles hai moitas cuncas penduradas dunhas barras.

7. Ideas de decoración para a oficina sobre rodas

Se non che faltan ideas de decoración, pero si que che faltan cartos para realizalas, por que non te animas cun taboleiro de anuncios/encerado con rodas? Terás espazo para poñer obras de arte, pósteres, presentacións e para compartir ideas e informar de calquera novidade. Ademais, poderás movelo facilmente dun sitio a outro.

Un taboleiro de anuncios/encerado ELLOVEN con rodas cun cartel de benvida nada máis entrar nunha oficina ampla e luminosa.

Antes de mercar

Estas solucións conteñen unha mestura de artigos deseñados para un uso doméstico e non doméstico. Comproba que as túas compras cumpren as normativas e son axeitadas para o uso previsto na túa zona. Contacta con IKEA para Empresas para obter máis información sobre a gama.

Cóntanos a túa experiencia!