Ideas intelixentes para cafetarías e restaurantes con moito atafego

Aproveitar ao máximo o espazo e crear un fluxo de traballo eficiente é vital para calquera cafetaría ou restaurante. Cun taboleiro perforado montado na parede, terás controlados os pedidos, os menús para levar, as bolsas e calquera outra cousa relacionada coa xestión dos pedidos dos clientes. Colócao ao carón do mostrador para que sexa aínda máis fácil acceder a todo.

Deixar as pezas de roupa e os bolsos enriba das cadeiras non só ocupa un espazo innecesario, senón que tamén supón un risco para a seguridade. Os colgadoiros de parede liberan espazo e permiten que os clientes teñan as súas pertenzas á man. E por que non? Podes apostar por unha opción algo máis rechamante que constitúa un elemento de deseño por dereito propio. Tan bonita como doada de atopar.

Non poder recibir a máis clientes nas horas punta por non ter cadeiras dabondo é un problema para moitos propietarios de cafetarías e restaurantes. Se tes cadeiras e mesas pregables, resultarache máis doado facerlles sitio nas horas punta. E cando non as precises, poderás gardalas facilmente e aforrar espazo para crear un entorno máis íntimo e doado de xestionar.