4 receitas con salmón afumado sinxelas e rápidas
Acaso hai algo mellor que o salmón afumado? Dubidámolo! É un dos alimentos máis versátiles, máis sinxelos de integrar en almorzos, comidas ou ceas e ten unhas propiedades marabillosas. É unha fonte natural de proteínas e de vitaminas b12, b6 e b3. Ademais, non fai falla que o digamos, pero... está riquísimo! Por iso, queremos ensinarche estas 4 receitas sinxelas con salmón afumado que farás nun chiscar de ollos. Son ideais para cear ou comer, e o que máis che custará será decidir cal facer primeiro...
Que aproveite!
Salmón afumado con aneto, limón e alcaparras
Ingredientes
- 200 gr de salmón afumado con aneto SJÖRAPPORT
- 1 limón
- 20 gr de alcaparras (aprox. 3 culleradiñas)
- Aceite de oliva virxe extra
- Sal
Preparación
1. Escolle un soporte bonito para colocar o teu salmón en liscos, como esta táboa ou unha de lousa.
2. Saca o salmón do frigorífico 10 minutos antes de servilo para poder separalo con facilidade.
3. Colócao sobre a superficie de presentación escollida.
4. Parte o limón en rodas finas, tantas como queiras (nós partimos 5 rodas).
5. Colócaas entre os liscos de salmón afumado.
6. Mestura o zume do outro medio limón que che sobrou con dúas culleradas sopeiras de aceite e un chisco de sal.
7. Bota a mestura sobre os liscos de salmón afumado.
8. Reparte as alcaparras sobre o salmón por todo o prato.
Ensalada de verán con salmón
Ingredientes
- 200 gr de salmón afumado en liscos ou 1 filete de salmón SJÖRAPPORT
- 30 gr de eiruga
- 30 gr de espinacas frescas
- 1 lata pequena de olivas negras sen óso
- 1 terrina de queixo fresco
- 5 ceboliñas en vinagre
- Un chisco de aneto
- Sal
- Aceite de oliva virxe extra
Preparación
1. Comeza separando os liscos de salmón afumado ou ben cortando en dados o filete de salmón.
2. Corta o queixo fresco en dados.
3. Corta en rodas as ceboliñas en vinagre.
4. Verte a eiruga xunto coas espinacas frescas nunha ensaladeira.
5. Verte todos os demais ingredientes que preparamos antes sobre a base da ensalada.
6. Como aliño, recomendámosche aceite de oliva virxe extra ao gusto con aneto e sal. E a gozar!
Por suposto, tes mil combinacións distintas para engadir o salmón afumado á túa ensalada, e todas están boísimas! Aquí tes outra idea de ensalada con salmón que nos encanta:
Wraps de salmón afumado
Ingredientes
- 4 tortillas de fariña de trigo
- 200 gr de salmón afumado
- 20 gr de eiruga
- 15 gr de queixo crema para untar
- 15 gr de mostaza en gran
Preparación
1. Quenta as tortillas de trigo no microondas ou no forno seguindo as instrucións do fabricante.
2. Cando estean quentes, unta nalgunhas o queixo crema e noutras a mostaza en gran.
3. Coloca o salmón en liscos sobre a mostaza ou o queixo.
4. Pon unhas folliñas de eiruga.
5. Enrola sobre si mesmas as tortillas de trigo co teu recheo e coloca paus para mantelas mellor.
6. Se queres que sexan máis cómodas de comer para ofrecelas nun aperitivo, parte cada tortilla en 4 anaquiños. Con 4 tortillas terás 16 canapés.
Están boísimos!
Ovos cocidos con salmón afumado
Ingredientes
- 5 ovos tamaño M
- Maionesa ao gusto
- 200 gr de salmón
- Aneto fresco
- Tomiño fresco
- Sal
Preparación
1. Coce os ovos. En función de como che guste que quede a xema, tenos máis ou menos tempo, pero se queres que quede ben feita, tardará uns 10 minutos.
2. Unha vez cocidos, párteos pola metade e vai colocándoos nunha bandexa. Axústaos de sal.
3. Bota media culleradiña de maionesa sobre cada metade de ovo.
4. Corta o salmón en liscos en anaquiños pequenos, do tamaño de cada metade de ovo.
5. Coloca cada anaquiño sobre o ovo con maionesa.
6. Adereza e decora con ramas de aneto e tomiño.
7. Podes acompañar este prato cunha gornición de ensalada.
E se che apetece seguir vendo máis receitas, non perdas:
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
