Arte sen preocupacións
Gustaríache que os nenos pintasen sen esnaquizalo todo? Déixaos que pinten no baño; os azulexos e o cristal son doados de limpar. Cando rematen, só tes que apartar a obra mestra e deixar que o desastre marche polo desaugadoiro.
Localización: Baño
Momento do día: Noite
Duración: 40 minutos
Gozade da liberdade de crear arte sen que vos preocupe poñelo todo patas arriba.
- Páxina de información do produto
Como dedicarlle máis tempo á arte e menos á limpeza
Explorar a arte é un xeito creativo e san de que os nenos expresen as súas emocións. Axúdaos a converter a imaxinación en realidade e mellora as súas habilidades motoras e a súa creatividade. Ter a arte dos nenos na casa é precioso e fainos sentir orgullosos das súas creacións.
- Coloca o papel de debuxo MÅLA nos azulexos ou cristais que rodean a bañeira ou a ducha. Utiliza papel dabondo para que poidan ser creativos de verdade.
- Dilúe as pinturas á auga no molde de madalenas ou aplica a pintura directamente do tubo, ou fai as dúas cousas.
- Protexe a roupa co mandil de manga longa MÅLA.
- Dálle os pinceis ao teu fillo/á túa filla e deixa que empece a crear.
- Retira a obra de arte cando remate. Lava calquera resto de pintura das superficies. Ter artistas na familia nunca fora tan fácil.
