Á luz das candeas
A luz que emiten as candeas crea un ambiente reconfortante e relaxante. Nos escuros invernos suecos, acender candeas grandes e pequenas por toda a casa é un xeito común de cambiar o ambiente de traballo a un máis relaxado. O resplandor e o aroma crearán un santuario para o corpo e a mente.
Localización: sala de estar
Momento do día: pola noite
Duración: 60 minutos
Reláxate na luz cálida das candeas.
Como crear unha atmosfera acolledora con candeas
A luz suave das candeas esperta recordos entrañables e crea un sentimento de pertenza, ao tempo que calma a mente e alivia o estrés. Ter candeas acendidas pola casa mellora o teu estado de ánimo e mantén a atención no momento presente.
- Xunta un grupo de diferentes candeas ADLAD e FENOMEN. Colócaas enriba dunha base estable, como un soporte para candeas GLASIG, e asegúrate de que estean separadas a unha distancia segura.
- Escolle unha fragrancia unificadora, a madeira ou vainilla, por exemplo, para crear unha atmosfera relaxante e acolledora cun chisco de maxia.
- Reparte grupos de candeas polas diferentes partes do cuarto ata acadares un ambiente equilibrado.
- Apaga os dispositivos e as luces eléctricas para un ambiente máis íntimo. Observa os movementos das chamas ata relaxarte por completo e métete na cama.
