Comida vegana en IKEA: coñece os nosos pratos!
Es vegano ou vegana? Estás de sorte! En IKEA estamos a introducir gorentosos pratos para ti. Presentámoschos no seguinte artigo! Non esquezas pasar polas nosas tendas físicas IKEA Food para probalos.
1. Bocadillos con salchicha vexetarianos e veganos
O icónico bocadillo de salchicha ten unha longa historia en IKEA, e queremos que o seu irmán vexetariana teña unha vida tan longa e próspera coma el. A nosas salchichas veganas están feitas completamente de vexetais e, por suposto, son aptas para persoas veganas.
Realizamos diferentes probas ata chegar á receita final. O bocadillo de salchicha vexetariano contén, xa que logo, col rizada, lentellas vermellas, cenoria, lombarda, apio, cebola, quinoa e xenxibre como elementos estrela desta receita vegana. Isto promete! Ademais, sempre terás a opción de engadirlle o noso aderezo tradicional: col vermella en vinagre, cebola fritida e mostaza ou cebola fritida e cogombriños.
Poderás degustar o seu gran sabor en calquera dos nosos restaurantes de IKEA, ou levalos directamente á túa casa, xa que están dispoñibles na nosa tenda sueca. Tan só terás que preguntar por KORVMOJ.
2. Xeado vegano
Para os máis larpeiros tamén temos unha gorentosa sobremesa, o noso superxeado vegano. E é que os xeados son un dos produtos máis populares en IKEA a nivel mundial. Por iso, decidimos crear unha opción vegana á altura.
O obxectivo do xeado vegano é ampliar a gama dos Bistro de IKEA para a maioría das persoas, quer vexetarianas, veganas ou flexitarianas. O novo xeado vegano componse dunha gorentosa base de froita, xa que se elabora a partir de concentrado de fresa, e sérvese sobre un cornete tamén vegano. Para nós, se cadra o mellor ingrediente é que a súa pegada de carbono é aproximadamente a metade cá dos xeados tradicionais de orixe láctea. Impresionante, verdade?
É rosa, respectuoso co planeta, está boísimo e o mellor... só costa 1 €! O seu gran sabor a frase acompañarate durante a túa visita polas nosas tendas.
3. Albóndegas veganas
As albóndegas son outra das grandes estrelas da nosa gama de alimentación e a opción vegana non merece menor galardón. A nosa alternativa ás albóndegas de carne segue a ser unha opción saborosa coa que degustar unhas ricas albóndegas. Tanto para persoas vexetarianas como veganas! Coñece a ALLEMANSRÄTTEN.
Os ingredientes principais das albóndegas vexetarianas son uns bos legumes, como os garavanzos, cenorias, pementos, millo e col rizada. Ademais, as albóndegas vexetarianas son aptas para celíacos, xa que non conteñen glute.
Se quixeres saber máis sobre este saboroso pratos, bótalle un ollo a este artigo no que explicamos en detalle como integralas en diferentes receitas. Veña!
4. Mousse de chocolate vegano
Desde IKEA Food queremos fomentar un estilo de vida máis saudable e sostible con produtos deliciosos cun impacto positivo nas persoas e no planeta. E como sabemos que o chocolate é o rei das sobremesas, non podiamos esquecer no noso menú vegano a nosa deliciosa mousse de chocolate vegano, un prato moi especial elaborado con millo de cenoria e espiñeiro amarelo.
Se queres gozar de todo o seu sabor, non esquezas pedilo como sobremesa nos nosos restaurantes en tendas IKEA.
Lembra! Se che gustaron estes pratos, consígueos nas nosas tendas físicas e restaurantes de IKEA.
