Tarxeta regalo dixital IKEA

Termos e condicións das tarxetas agasallo físicas e dixitais IKEA, as tarxetas de devolución de mercadorías e as tarxetas de promoción

Os seguintes Termos e Condicións que atinxen ás tarxetas agasallo, tarxetas devolución e tarxetas de promoción IKEA (en diante, o "Acordo") describen os termos e as condicións que afectan ao uso das tarxetas agasallo, as tarxetas devolución e as tarxetas de promoción IKEA (en conxunto, as "Tarxetas"), xa sexa en formato físico ou dixital. Este Acordo é entre ti e IKEA. Se mercas, aceptas ou utilizas a túa tarxeta, vencellaraste a este Acordo; se non queres vencellarte a el, non merques, uses nin aceptes as Tarxetas.

1. Sobre a túa tarxeta
IKEA é o responsable de emitir as Tarxetas.

2. Consultas sobre o saldo
Podes compartir as túas dúbidas sobre o teu saldo en calquera tenda IKEA. O saldo que recibas ao realizar a consulta é só unha estimación. Na maioría dos casos, o saldo axústase de xeito inmediato cando efectúas unha compra, pero hai ocasións nas que o devandito axuste se atrasa. É posible que as Tarxetas non se recarguen co valor adicional.

3. Caducidade/Tarifas
As tarxetas agasallo físicas e dixitais, así como as tarxetas de devolución de mercadoría, non caducan. As tarxetas de promoción poderían caducar segundo a promoción relevante, polo que deberías consultar os termos e condicións específicos da tarxeta de promoción pertinente. Ás Tarxetas non se lles aplican tarifas de servizo nin por inactividade. Porén, IKEA resérvase o dereito de rexeitar a validez dunha tarxeta no caso de que se reclame o cargo dunha tarxeta de crédito, de que haxa un cheque sen fondos ou de que se orixine calquera outro erro deste tipo.

4. Troco
A túa tarxeta só pode trocarse en compras de mercadoría, servizos, alimentos e bebidas nos establecementos IKEA relevantes. As tarxetas de promoción poderían estar aínda máis limitadas. As Tarxetas non teñen valor en efectivo, e é posible que non se poidan trocar por cartos físicos (agás que así o requira a lexislación) nin utilizar para mercar outra tarxeta.

5. Sen reembolsos
Os reembolsos non están permitidos no tocante á compra de tarxetas agasallos físicas ou dixitais; non é posible devolver ningunha venda deste tipo.

6. Risco de perda, danos ou roubo
O valor de calquera tarxeta perdida, danada ou roubada non se substituirá. Tes a responsabilidade de protexer a tarxeta de calquera uso sen autorizar. A titularidade e a responsabilidade pola perda das Tarxetas pasan á persoa que as merca ou á destinataria cando se efectúa a transmisión electrónica da devandita tarxeta, cando se fai a entrega ao transportista ou no momento da compra ou o reembolso no caso das transaccións físicas, segundo o caso. As Tarxetas deben obterse de IKEA ou dun terceiro autorizado.

7. As revendas están prohibidas
Non podes vender unha tarxetas nin negociar calquera tipo de intercambio con ela. Porén, si podes transferir a tarxeta a outra persoa se non hai compensación económica (por exemplo, como un agasallo).

8. Valor máximo
O límite do importe das tarxetas agasallo amosarase na páxina do pedido.

9. ARBITRAXE INDIVIDUAL VINCULANTE OBRIGATORIA
Le esta sección con detemento, xa que trata os dereitos legais que poderías ter e require unha arbitraxe final individual e unha arbitraxe vencellante da maioría dos litixios, no canto dunha resolución nun tribunal.
A arbitraxe é a presentación dun litixio a un árbitro neutral, no canto dun xuíz ou un xurado, para que tome unha decisión vencellante e definitiva, coñecida como "sentenza". A arbitraxe ofrece unha exhibición máis limitada que a que se produciría nun tribunal, está suxeita a unha revisión parcial por parte dun tribunal e ten un resultado confidencial. Cada parte ten a oportunidade de presentar probas ante o árbitro de xeito escrito ou mediante testemuñas. Un árbitro pode emitir unha sentenza cos mesmos danos e compensacións que os que emitiría un tribunal segundo a lei, e debe respectar os termos e condicións deste Acordo.

10. Limitación da responsabilidade
IKEA NON GARANTE, NIN DE XEITO EXPRESO NIN IMPLÍCITO, NADA QUE TEÑA QUE VER COAS TARXETAS, COMO UNHA GARANTÍA, UNHA COMERCIALIZACIÓN OU UNHA ADECUACIÓN EXPRESAS OU IMPLÍCITAS QUE ESTEAN VENCELLADAS A UN FIN PARTICULAR. NO CASO DE QUE UNHA TARXETA DEIXE DE SER FUNCIONAL, A ÚNICA SOLUCIÓN QUE TES (ASÍ COMO A ÚNICA RESPONSABILIDADE DE IKEA) SERÁ SUBSTITUÍR A DEVANDITA TARXETA. A LEXISLACIÓN DE CERTOS ESTADOS NON É COMPATIBLE COAS LIMITACIÓNS EN GARANTÍAS IMPLÍCITAS NIN A EXCLUSIÓN OU A LIMITACIÓN DE CERTOS DANOS. SE ESTAS LEIS SON RELEVANTES PARA TI, É POSIBLE QUE ALGÚNS DOS DESCARGOS DE RESPONSABILIDADE, DAS EXCLUSIÓNS OU DAS LIMITACIÓNS MENCIONADOS ARRIBA (OU TODOS ELES) NON TE AFECTEN.

11. Lexislación vixente
Este produto desenvolveuse de acordo cos regulamentos sinalados pola Unión Europea e, máis concretamente, co Regulamento Xeral de Protección de Datos (RXPD) da UE.

12. Fraude/Incumprimento dos termos
IKEA resérvase o dereito de validar ou de suspender ou desactivar unha tarxeta se sospeita que se obtivo de xeito fraudulento, sen cumprir este Acordo ou sen ter en conta a lexislación pertinente ou outros termos e condicións de IKEA relevantes. IKEA non é responsable das condutas ilegais que poidas realizar nin das fraudes que efectúen terceiros asociados a calquera tarxeta.