Tarxeta regalo dixital IKEA

Termos e condicións das tarxetas agasallo físicas e dixitais IKEA, as tarxetas de devolución de mercadorías e as tarxetas de promoción

Os seguintes Termos e Condicións que atinxen ás tarxetas agasallo IKEA, tarxetas de devolución e tarxetas de promoción (en diante, as "Tarxetas IKEA"), emitidas por IKEA IBÉRICA, S. A. (A28812618), Avda. Matapiñonera, n.º 9, 28703, San Sebastián de los Reyes (Madrid) (en diante, "IKEA"), describen os termos e as condicións que afectan ao uso das Tarxetas IKEA, xa sexa en formato físico ou dixital.

Se mercas, aceptas ou utilizas unha Tarxeta IKEA, manifestas a túa conformidade a vencellarte ás presentes condicións de uso da Tarxeta IKEA. Á compra a distancia de tarxetas agasallo IKEA tamén lle afectan as Condicións Xerais de Compra en IKEA, dispoñibles en Condicións xerais de compra en liña - IKEA. Lembra que as tarxetas agasallo IKEA non se poden mercar mediante cupóns desconto nin outro tipo de cheques agasallo, nin con outras tarxetas agasallo IKEA.

• Activación. As Tarxetas IKEA activaranse cando as adquiras ou recibas, segundo corresponda. Cando se active, poderás utilizala conforme ás presentes Condicións de Uso de Tarxetas IKEA. A activación das tarxetas de promoción pode estar suxeita a limitacións adicionais, polo que deberás consultar as condicións da promoción en virtude da cal conseguiches a citada tarxeta de promoción.
  
  
• Troco. As Tarxetas IKEA poden empregarse para adquirir Produtos IKEA e servizos asociados, así como na Tenda de Alimentación Sueca, no Bistró e no restaurante IKEA, pero non poderán utilizarse para pagar tarxetas agasallo IKEA. O troco das tarxetas de promoción pode estar suxeito a limitacións adicionais, polo que deberás consultar as condicións da promoción en virtude da cal conseguiches a citada tarxeta de promoción.
  
  Segundo a lei 11/2021, do 9 de xullo, de medidas de prevención e loita contra a fraude fiscal, as Tarxetas IKEA non serán válidas para realizar pagamentos totais nin parciais en compras que igualen ou superen a cantidade de 1.000€.
  
  É importante que leas a continuación o detalle dos establecementos IKEA nos que se poden usar as Tarxetas IKEA. Así mesmo, informámoste de que esta listaxe pode cambiar de cando en vez, polo que é importante que a revises antes de mercar e utilizar unha Tarxeta IKEA. Esta listaxe manterase actualizada cos establecementos relevantes en cada momento. O troco das tarxetas de promoción pode estar suxeito a limitacións adicionais, polo que deberás consultar as condicións da promoción en virtude da cal conseguiches a citada tarxeta de promoción. Se usas unha Tarxeta IKEA nunha moeda diferente ao euro (EUR/€), o pagamento farase na moeda oficial do país onde a utilices; aplicarase o tipo de cambio máis recente e cobrarase unha comisión do 3% pola conversión de moeda:
  
  
  • Utilización de Tarxetas IKEA emitidas por IKEA IBÉRICA, S. A. nos establecementos que pertencen a IKEA IBÉRICA, S. A.
    As Tarxetas IKEA emitidas por IKEA IBÉRICA, S. A. poden utilizarse, en virtude do establecido no apartado "Troco", en todos os establecementos IKEA do territorio peninsular español, xa que todos eles pertencen a IKEA IBÉRICA, S. A.
    
    
  • Utilización de Tarxetas IKEA emitidas por IKEA IBÉRICA, S. A. noutros establecementos "IKEA" que non pertencen a IKEA IBÉRICA, S. A.
    As Tarxetas IKEA emitidas por IKEA IBÉRICA, S. A. tamén podes utilizalas nos establecementos IKEA que pertenzan ao Grupo empresarial INGKA nos seguintes países: Australia, Bélxica, Canadá, Croacia, Dinamarca, Eslovaquia, Eslovenia, Finlandia, Francia, Hungría, Irlanda, Italia, Noruega, Países Baixos, Polonia, Portugal, o Reino Unido, a República Checa, Suecia e Suíza.
    
    Porén, as Tarxetas IKEA emitidas por IKEA IBÉRICA, S. A. non se poden utilizar nos establecementos IKEA dos seguintes países: Alemaña, Austria, China, Corea do Sur, a India, Nova Zelandia, Romanía, Serbia e Xapón.
    
    
  • Utilización de Tarxetas IKEA emitidas por outros retallistas que explotan a marca "IKEA" nos establecementos de IKEA IBÉRICA, S. A. do territorio peninsular español
    As Tarxetas IKEA emitidas nos establecementos IKEA das Illas Baleares e Canarias, así como nos de Ceuta e Melilla, non son válidas nas tendas IKEA do territorio peninsular español que pertencen a IKEA IBÉRICA, S. A.
    
    Tampouco son válidas nas tendas IKEA do territorio peninsular español que pertencen a IKEA IBÉRICA, S. A. as Tarxetas IKEA emitidas por establecementos IKEA dos seguintes países: Alemaña, Australia, Austria, Corea do Sur, Estados Unidos, Francia, a India, Nova Zelandia, Romanía, Serbia e Xapón.
    
    
• Saldo. As Tarxetas IKEA poden usarse tantas veces como se desexe ata esgotar o importe total polo que se emitiron. O saldo dispoñible nas Tarxetas IKEA en cada momento é a diferencia entre o saldo dispoñible no momento inmediatamente anterior a realizar unha compra e o importe correspondente utilizado para o seu pagamento. O Cliente poderá consultar o saldo da tarxeta agasallo e as tarxetas devolución IKEA en Tarxetas agasallo IKEA - IKEA. O saldo que se lle facilite na consulta só terá carácter estimativo. Na maioría dos casos, o saldo actualízase de xeito inmediato cando realizas unha compra, mais pode haber ocasións nas que a actualización do saldo se atrase. Se a compra que se desexa realizar excede o saldo dispoñible da tarxeta IKEA, a diferencia poderá pagarse de calquera forma de pagamento aceptada en cada momento.
  
  
• Caducidade. As Tarxetas IKEA non teñen data de caducidade; porén, se o Cliente adquiriu ou conseguiu a tarxeta agasallo IKEA no marco dunha promoción, as condicións legais da devandita promoción poderían establecer unha data de caducidade concreta. Nese caso, haberá que rexerse polas condicións particulares da citada promoción.
  
  
• Devolución. As tarxetas agasallo IKEA non poden devolverse, segundo o establecido na Política de Devolucións (sen prexuízo do dereito de desistencia atribuído legalmente á persoa consumidora). As tarxetas devolución (ao ser o medio no que se che reembolsa o importe dunha compra sobre a que exerciches a Política de Devolucións ou que recibes como xesto comercial) e as tarxetas de promoción (ao conseguilas por participar nunha promoción, sen mercalas) tampouco poden devolverse.
  
  
• Reembolsos. Compras financiadas. Perda e outros. As Tarxetas IKEA non se poden recargar nin trocar por diñeiro en efectivo. O importe das Tarxetas IKEA non pode liquidar saldos pendentes, incluídas as compras financiadas; non podes pagar compras financiadas cunha tarxeta agasallo, devolución ou de promoción IKEA. As Tarxetas IKEA son un documento ao portador, e a responsabilidade do uso e custodia da Tarxeta corresponde exclusivamente a quen a posúa; non se substituirá a Tarxeta nin se devolverá o saldo en caso de roubo, perda, extravío ou deterioración, e IKEA non se responsabilizará das posibles compras efectuadas con ela.
  
  
• Apple e Google Wallet. Podes incorporar a túa tarxeta agasallo IKEA en formato dixital a Apple ou Google Wallet; nese caso, manifestas que coñeces que as devanditas aplicacións están suxeitas a termos e condicións de terceiros alleos a IKEA, e que non poderás reclamar nada a IKEA en relación co seu uso.
  
  
• Fraudes/Incumprimento dos termos e condicións. IKEA resérvase o dereito a rexeitar o troco ou a suspender ou desactivar unha Tarxeta IKEA cando sospeite que a Tarxeta se obtivo dun xeito fraudulento, en incumprimento do disposto nas presentes Condicións de uso das Tarxetas IKEA ou en infracción da normativa aplicable ou doutros termos e condicións aplicables de IKEA. IKEA non será responsable nin asumirá responsabilidade algunha co Cliente ou con terceiros por calquera conduta ilícita ou fraudulenta realizada polo Cliente ou por terceiros en relación con calquera Tarxeta IKEA.
  
  
• Contacto. Se tes calquera incidencia cunha tarxeta IKEA, podes poñerte en contacto con IKEA en calquera establecemento IKEA ou polos medios establecidos no apartado "Axuda/Contacta connosco" da presente páxina web.