Servizo de medición de cociñas
O servizo de medición de cociñas de IKEA ofréceche unha sólida base para planificar a túa nova cociña e a tranquilidade de saber que toda a planificación sairá á perfección. Deixa que os nosos técnicos proporcionen as medidas correctas e recollan a información necesaria.
Dende 40€, o servizo de medición de cociñas de IKEA é unha garantía de calidade de que todo estará ben e será menos probable que te atopes con errores custosos ou con sorpresas durante a concepción, a planificación, o pedido e a instalación da túa cociña. Se contratas o servizo de instalación de cociñas IKEA, reembolsarémosche a medición. Para os amantes da bricolaxe, tamén recompilamos varias guías.
Funcionamento | Listaxe de especificacións | Guías de bricolaxe | Preguntas frecuentes
Funcionamento do servizo de medición de cociñas de IKEA
Antes e durante a cita de medición da cociña
- Empeza a concibir o teu proxecto e a investigar mentres exploras a nosa inspiración para cociñas ou ao probar os nosos planificadores de cociñas no sitio web.
- Reserva unha cita de medición no sitio web. Mercar nunha tenda? Consulta a un/unha colaborador/a do departamento de cociñas.
- Asegúrate de que o espazo estea listo para a medición. As paredes e os teitos deben estar terminados. As conexións de fontanaría, gas e electricidade deben estar feitas.
- Durante a cita, un técnico profesional tomará fotos e recompilará toda a información necesaria sobre o espazo da cociña: as dimensións da estancia, as inspeccións de paredes/esquinas e a localización das portas, a fontanaría, etc. Para facerte unha idea de que documentará o técnico, consulta a listaxe de especificacións de cociña requiridas na sección de abaixo.
Despois da cita de medición da cociña
- O técnico proporcionarache a documentación e todas as dimensións necesarias no software de planificación IKEA.
- Actualiza as túas ideas, deseños e plans en función das medidas validadas.
- Se queres que che prestemos máis axuda, consulta o noso servizo de planificación de cociñas para gozar dunha cita persoal cun experto en cociñas.
Como medir a cociña pola túa conta
Cando cociñas, botar un pouco máis disto ou un pouco menos do outro non adoita ter importancia. Pero cando planificas unha nova cociña, cada detalle conta. Medir o lugar no que instalarás a túa nova cociña é extremadamente importante. Dedica tempo dabondo para tomar as medidas con precisión e mide máis dunha vez, se é posible, para verificar o teu traballo. Consulta arriba a listaxe completa de que medir e documentar, e as ferramentas, abaixo.
Utiliza unha guía de planificación de cociñas
A nosa guía de planificación de cociñas novas IKEA abarca todo o proceso, dende a medición ata a instalación. Busca a sección relacionada coas medicións e sigue todos os pasos con atención.
Proba o planificador de cociñas no sitio web
Se tes un ordenador de escritorio ou un portátil, podes usar o planificador de cociñas IKEA. A sección "Distribución da estancia" enumera diferentes elementos que poden axudarte a comprender que hai que medir e documentar.