Axuda sobre o hub DIRIGERA e a app IKEA Home smart
A vida é algo máis doada se equipas o teu fogar con solucións intelixentes. Obtén máis información sobre as funcións e características dos nosos produtos intelixentes e como un fogar intelixente co hub DIRIGERA e a aplicación IKEA Home smart pode mellorar a túa vida diaria no fogar.
Tes un dispositivo de conexión TRÅDFRI na casa e precisas axuda?
Diríxete á páxina de axuda sobre o dispositivo de conexión TRÅDFRI e a aplicación IKEA Home smart 1 aquí.
Podémoste axudar?
Preguntas frecuentes
Nesta parte da páxina, sempre tes prioridade para obter axuda coas túas preguntas. Engadimos continuamente preguntas frecuentes para axudarte a atopar respostas sen necesidade de agardar. Busca as túas respostas nas nosas preguntas frecuentes.
Unha introdución a un fogar intelixente
Cun fogar intelixente de IKEA, os teus momentos cotiáns no fogar son máis prácticos e alegres para todas as persoas que viven alí. Un fogar intelixente pode espertarte suavemente pola mañá, prepararte a ti e mailo teu fogar para as tarefas cotiás, e axudarte a relaxarte pola noite para que poidas durmir o mellor posible. Todo grazas ao hub DIRIGERA e a aplicación IKEA Home smart.
Fogares intelixentes para todas as persoas
Entender todos os aspectos da vida no fogar é o motivo polo que IKEA segue a mellorar a gama e a ofrecer produtos intelixentes como altofalantes, purificadores de aire, lámpadas LED, tomas de corrente de control, sensores de movemento, estores e mandos a distancia.
Se engades o hub DIRIGERA ao teu fogar intelixente, obterás aínda máis prestacións e funcións dixitais dos teus produtos intelixentes e terás o control total a través da aplicación IKEA Home smart. Cambia á iluminación morada de festa na sala de estar, comproba o estado do purificador de aire antes de ir para a cama, apaga a cafeteira, asegúrate de que a lámpada de noite dos nenos estea acendida, ou programa unha escena para que os estores baixen automaticamente ao solpor, todo dende a mesma pantalla.
Mira o que un fogar intelixente podería facer por ti
Con tantas posibilidades, non saberás por onde comezar. Proba con este fogar intelixente virtual. Acende e apaga as luces ou cambia as cores. Abre os estores pola mañá e péchaos de noite. Sube o volume nunha festa ou báixao para relaxarte.
Como empezar
Non importa que parte da túa vida cotiá comeces a mellorar cun fogar intelixente, o hub DIRIGERA é a alma do sistema de iluminación, son, aire, estores e accesorios conectados. E sabes que? Sen necesidade de encher de cables o teu fogar.
Imaxina que por fin chega o momento de relaxarte despois dun día estresante. Con só premer un botón, comeza a túa rutina nocturna. Os estores opacos do dormitorio baixan, comeza a soar unha lista de reprodución relaxante polos altofalantes, os purificadores de aire melloran a calidade do aire do dormitorio e a lámpada de noite ilumínase para lembrarte que o teu novo libro está a agardar por ti.
Un fogar que se volve máis intelixente co tempo
O hub DIRIGERA e a aplicación IKEA Home smart ofrecen moitas máis vantaxes para facer que a vida diaria no fogar sexa máis eficiente, máis práctica e simplemente máis adaptada a ti. Terás máis formas de controlar os teus produtos intelixentes e máis funcións dixitais que se usas os produtos intelixentes de IKEA sen o hub.
Tamén é fácil ampliar a configuración do teu fogar intelixente co tempo e facer que sexa aínda máis intelixente. Comeza coas habitacións que máis se utilizan, como a sala de estar ou o dormitorio, para atopar as solucións intelixentes que se adaptan a ti e ao teu fogar. A próxima vez que chegues a casa cun novo produto intelixente de IKEA, a aplicación guiarate paso a paso para que poidas engadilo ao teu fogar intelixente.
O teu fogar intelixente só seguirá sendo máis intelixente, pero nunca máis ca ti. A medida que desenvolvamos prestacións dixitais e produtos intelixentes con novas funcións, ti seguirás personalizando a túa propia experiencia. Tes o control.
Xestiona o teu fogar dende o sofá
Co hub DIRIGERA no teu fogar, obterás novas formas de administrar os teus produtos intelixentes de IKEA, individualmente, por habitación ou simultaneamente, especialmente porque o hub permite o uso da aplicación IKEA Home smart. Calquera persoa do fogar cun dispositivo móbil ou unha tableta pode descargar e utilizar a aplicación para controlar o fogar, e os mandos a distancia son a ferramenta perfecta para os convidados ou cando queres acender, apagar ou atenuar as luces rapidamente.
Utiliza a aplicación para atenuar as luces e cambiar a tons máis cálidos por enriba da mesa de centro para calmar os ollos cansados pola noite. Máis tarde, utiliza o mando a distancia para apagar as mesmas luces. Pide ao teu asistente de voz que suba a música cando tes as mans ocupadas cortando tomates. Programa o purificador de aire do dormitorio para preparalo para durmir. E preme un botón rápido á beira da porta cando marches para activar a escena coa que todo se apaga de forma segura (incluído o vaporizador de camisas).
Aplicación IKEA Home smart
A aplicación IKEA Home smart será o acceso principal ao teu fogar intelixente cando a empregues co hub DIRIGERA. A aplicación guíate por todo o proceso de configuración e xestión dos teus produtos intelixentes, colócaos nas habitacións do fogar e programa o que desexas que se execute mediante temporizadores. Ti e todas as persoas do fogar podedes escoller tarefas rápidas, como comprobar que as luces están acendidas e apagadas, en que nivel funciona o purificador de aire e o nome desa canción que non deixa de soar na planta de arriba.
Na aplicación IKEA Home smart, tes a opción de conectarte a un asistente de voz e controlar o teu fogar intelixente co son da túa voz. IKEA Home smart funciona con Google Home, Apple Home e Alexa.
A aplicación IKEA Home smart está dispoñible en App Store para iPhone ou Google Play para Android.
Xa atopaches o teu próximo produto favorito?
É unha mesa auxiliar ou un purificador de aire? Pois as dúas cousas. Este é só un exemplo de como integramos funcións intelixentes nun práctico moble. E todos eles ofrecen aínda máis prestacións e funcións dixitais cando están conectados ao hub DIRIGERA para produtos intelixentes.
Estamos aquí para axudarte.
Estamos aquí para axudarte coa túa vida no fogar máis intelixente. Se non atopaches o que buscabas, contacta connosco e axudarémoste con moito gusto.