Táboas de cortar

Táboas para todo tipo de cortes

As táboas de cortar poden pasar desapercibidas, aínda que nos acompañan en todo momento na cociña, como na hora de preparar a cea entre semana ou durante os maratóns de repostería na fin de semana. Non importa se vas picar verduras, cortar pan ou un polo pasa asalo: as nosas táboas de cortar foron deseñadas para protexer as túas superficies, coitelos e rutinas. Elixe entre un amplo abano de materiais, formas e tamaños para encontrar a táboa que mellor se adapte á túa forma de cociñar.

Que material é o axeitado para a miña táboa de cortar?

Cada material ten vantaxes diferentes, algunhas prácticas e outras estéticas, mais todas útiles dunha maneira ou outra. A elección depende dos teus hábitos de cociña, espazo e estilo persoal.

• As táboas de cortar de madeira transmiten naturalidade e recollemento e non danan o gume do coitelo. Son ideais para calquera cousa, desde cortar froita até servir queixo na mesa.
• As táboas de cortar de plástico, lixeiras e aptas para a lavalouza, permiten utilizar diferentes cores para diferentes alimentos, polo que son ideais para cociñar a diario cun nivel de hixiene axeitado.
• Unha táboa de cortar maciza é unha superficie grande e resistente sobre a que cortar e picar como un profesional. Están feitas para tarefas intensivas, polo que son a opción favorita de expertos e amantes da cociña.

Por que non mesturalas? Moitas persoas utilizan diferentes táboas para a carne, as verduras e o pan e así evitar o intercambio de sabores (e bacterias)

Que tamaño ou forma debería escoller?

A túa táboa debería casar tanto coa túa cociña como co teu estilo á hora de cociñar. As táboas pequenas son ideais para cociñas compactas ou para preparar un bocadillo rápido e as grandes danche máis espazo para cortar, amorear e apartar sen manchar o mesado.

Aspectos que levar en conta:

• As táboas grosas adoitan ser máis estables con alimentos difíciles de cortar
• As táboas con estrías poden recoller os zumes da carne ou as migallas
• Os deseños máis lixeiros son prácticos para levar os ingredientes cortados directamente á tixola

Algunhas táboas de cortar foron deseñadas para pendurar ou gardar en vertical, o que resulta ideal para secalas ao aire e aforrar espazo no mesado.

Hai algunha función práctica que teñan de ter en conta?

Si! Moitas das nosas táboas van alén do máis básico e danlle un toque especial á túa rutina diaria.

Busca:

• Táboas reversibles con dous lados útiles
• Asas integradas e bordos fáciles de asir
• Bases adherentes para maior seguridade
• Táboas que en ocasións actúan de bandexa, útiles tanto para comidas informais como para ceas íntimas

Non importa se vas preparar unha ensalada ou cortar unha fogaza crocante: a táboa de cortar axeitada fai que os labores de cociña sexan máis seguros e satisfactorios. E ao rematar? É fácil de lavar, empillar e preparar para a seguinte comida.