Pratos de sobremesa

Pratos pequenos que definen as comidas

A pesar do seu tamaño, os pratos pequenos xogan un papel fundamental nas comidas do día a día. Desde as torradas do almorzo até as sobremesas e as merendas, o prato pequeno adecuado dálle o toque final á túa mesa e pode conseguir que unha galleta sexa tamén algo especial. A nosa colección de pratos pequenos está chea de deseños coidados, cunha ampla variedade de cores, texturas e materiais adaptables a todo tipo de ocasións.

Que material é mellor no día a día?

A maioría dos nosos pratos están feitos de gres ou de porcelana, dous materiais coñecidos pola súa resistencia e estilo.

• O gres ten un toque artesanal e resulta agradable ao tacto. Pesa un pouco máis e adoita ter esmaltes máis rústicos, como o gres azul ou o beixe claro. Estes pratos fan que as comidas diarias sexan máis satisfactorias e persoais.
• A porcelana é máis lixeira e, xeralmente, máis refinada. É suave e resistente e destaca por presentar un aspecto limpo e clásico, polo que é ideal se buscas algo un chisco máis distinguido.

Todos os nosos pratos pequenos son aptos para a lavalouza e foron deseñados para un uso habitual, desde a merenda dos teus fillos até uns petiscos ao saír do traballo.

Que cores e estilos hai dispoñibles?

Desde tonalidades suaves até estampados atrevidos, tes moitas opcións para escoller (e combinar).

• Os pratos pequenos en verde claro e rosa claro son perfectos para colocar a mesa de maneira divertida e alegre.
• As opcións en gris claro mate e gris escuro ofrecen un estilo máis sobrio e minimalista que encaixa tanto en cociñas modernas como tradicionais.
• Os pratos pequenos estampados transmiten personalidade: os deseños florais, xeométricos ou pintados á man axudan a darlles expresividade aos obxectos do día a día.

Se prefires un conxunto a xogo ou unha mestura divertida de tonalidades e estilos, encontrarás combinacións inspiradoras que se adaptarán ao teu espazo.

Como escollo os pratos pequenos adecuados para o meu estilo de vida?

Pensa en como utilizas os pratos a diario. Se adoitas recibir visita ou se gustas de cociñar pratos variados, ter varios xogos de diferentes cores fará que a mesa sempre pareza diferente. Nas cociñas pequenas, os deseños empillables aforran espazo sen renunciar ao estilo. E para os fogares con rutinas máis atarefadas, escoller esmaltes resistentes (especialmente en gres azul ou gris escuro) pode supor menos descascados e dores de cabeza.

Sexa cal for a ocasión, desde torradas e té até noites de tapas, cos pratos pequenos adecuados poderás crear ambiente, expresar estilo e encher de alegría calquera comida sinxela.