Plantas

Calquera espazo pode converterse no teu lugar favorito se engades algunhas flores abertas. Tanto se tes experiencia en botánica como se acabas de empezar no mundo da xardinaxe, atoparás a planta axeitada segundo as túas preferencias en IKEA.  

Antes de ampliar a familia do xardín cun novo membro, asegúrate de que estará ben no lugar que tes en mente. Atopa máis información sobre estupendas plantas domésticas para interior ou exterior na guía de abaixo.

Algunhas excelentes opcións para plantas domésticas de interior

As plantas domésticas de interior son unha excelente maneira de dar cor e vitalidade ao fogar. Ademais, as plantas de interior axudan a refrescar o fogar ao absorber gases e eliminar substancias nocivas do aire. Polo tanto, traer preciosas plantas ao teu fogar debería resultar doado. Pero por onde empezar?

Velaquí algúns consellos sobre estupendos tipos de plantas de interior que achegan cor, refrescan o aire e son moi doadas de coidar.  

Plantas de áloe

O áloe é unha planta suculenta, o que quere dicir que ten partes grosas e carnosas, de xeito que pode reter auga en climas ou solos áridos. As plantas de áloe teñen unha fermosa cor verde e son doadas de coidar, posto que precisan moi pouca auga. Pero necesitan moito sol, así que asegúrate de poñelas nun lugar asollado.  

Cactos

O cacto espiñento é coñecido en todo o mundo pola súa resistencia e pode darlle certa dureza ao teu fogar. Os cactos poden almacenar humidade durante bastante tempo, é dicir, que só tes que regalos ocasionalmente. Limítate a botar máis auga cando a parte superior da terra seque completamente. En IKEA atoparás diferentes tipos de cactos en testo que se adaptan ao teu estilo.  

Plantas de dracaena

As dracaenas son plantas semellantes ás palmeiras con follas verdes e aguzadas. Veñen en moitas variacións diferentes, onde algunhas son curtas e tupidas, e outras poden medrar moi alto. Tamén son doadas de coidar, especialmente se adoitas esquecerte de regar. Este grupo de plantas require un rego frugal. Agarda ata que a metade superior da terra estea seca antes de volver regala. En función da luz, pode tardar algunhas semanas.  

As mellores plantas domésticas para exterior

As plantas de exterior poden facer que calquera espazo exterior resulte máis animado e acolledor. Enche o parterre con plantas frescas ou decora o balcón con plantas en testos e xardineiras.  

Begonias

As begonias son unhas plantas de exterior estupendas, versátiles e doadas de coidar. Séntense igual de ben nun testo que nunha xardineira. Só tes que colocalas nun lugar con luz solar parcial e deixar que a terra seque entre regos.

As begonias veñen en moitas cores diferentes, como o vermello, o laranxa, o amarelo e o rosa. Así que síntete libre de escoller as begonias que mellor vaian co teu estilo. Se tes un balcón, proba a plantar estas belezas nun soporte para testos con ganchos para darlle unha explosión de cor ao teu fogar.  

Hydrangeas (Hortensia)

A hortensia é unha planta popular polas súas flores grandes e coloridas. Poden medrar como árbores ou rubideiras, pero a maioría cultívanse como arbustos.  

As hortensias poden medrar con luz solar total ou parcial, en función da variedade da planta. Polo xeral, gústalles a auga, pero, como con todas as plantas, no se deben regar en exceso. Unha regra básica é mirar as follas. Están empezando a caer? Daquela é hora de regar.

Xasmín

As plantas de xasmín son coñecidas polo recendo sedutor que emanan cando as flores se abren. O xasmín é unha árbore rubideira e pode medrar bastante se lle deixas. É unha elección perfecta se tes unha espaleira no xardín.  

Ao xasmín vaille ben nun lugar asollado pero fresco. Con respecto ao rego, é unha planta que pide auga, especialmente cando florece. Unha boa regra é manter a terra lixeiramente húmida en todo momento.