Placas de indución

As mañás que son un caos antes de ir traballar. Os nenos agardando a que vaias recollelos ao colexio. Cando á fin chegas ao teu fogar ao final do día, o que che apetece é facer a cea sen manchar demasiado. O rebumbio do día a día pode causar moito estrés, pero cociñar debería ser coser e cantar.

Cunha placa de indución, podes cociñar de xeito rápido e seguro sen as complicacións dos fogóns normais. Unha pota de dous litros de auga para cociñar pasta pode ferver nuns minutos. A tecnoloxía de indución tamén significa que non existe o perigo de que os máis pequenos queimen as mans nun fogón.

A placa de indución funciona quentando directamente o enxoval de cociña, en lugar de transferir a calor do fogón á pota ou á tixola. É dicir, a placa en si está practicamente fría, dado que a indución leva a calor directamente á base da pota ou a tixola.

Placas de indución para cada fogar e necesidade

Na nosa selección de placas de indución e vitrocerámicas atoparás unha variedade de modelos con distintas funcionalidades.

A placa de indución coa función de ponte permíteche conectar as dúas zonas de cocción para conseguir unha máis grande. É perfecta para cando usas as potas ou tixolas de tamaños máis grandes ou pouco comúns. A placa de indución con zonas flexibles ofrece as mesmas posibilidades. Podes mudar a superficie de cocción utilizando as zonas flexibles xuntas ou por separado. Isto significa que podes adaptalas ás potas e tixolas de diferentes formas e tamaños.

Se a túa zona para cociñar é máis pequena, pero non queres renunciar a unha solución innovadora coa última tecnoloxía, recomendámosche a placa de indución portátil. Son doadas de mover, e podes gardalas cando non vaias usalas para liberar espazo.

Que potas e tixolas podo usar coas placas de indución?

Para unha placa de indución necesitas saber que tipo de potas e tixolas estás a utilizar. Deben ter a base plana feita de metal ferroso ou "magnético". Isto é habitual no enxoval de cociña de boa calidade. Para asegurarte de que elixes o axeitado, fíxate no símbolo da base. Bótalle unha ollada a todas as potas e tixolas aquí.

Consellos de cociña para placas de indución

As placas de indución son famosas porque quentan o enxoval de cociña rapidamente, o cal é eficiente e axuda a aforrar tempo. Xa que se quentan tan rápido, recomendámosche que prepares todos os ingredientes e piques todas as verduras antes de quentar a tixola. Lembra non quentar o enxoval de cociña cando estea baleiro. Pode quentarse en exceso e perder a cor.