Fogar intelixente e tecnoloxía
Os nosos fogares evolucionan á medida que o fan os estilos de vida e a tecnoloxía. Queremos axudarche a que o teu fogar sexa o máis moderno posible e, por iso, contamos cunha ampla variedade de altofalantes, cargadores, accesorios para móbiles e tabletas, electrodomésticos e moitos máis artigos que axudarán a que o teu fogar sexa algo máis intelixente, e a túa vida, máis levadía.
Pasa da electrónica para o fogar á electrónica para os mobles do fogar
Ilumina o teu fogar e éncheo das mellores cancións! Coa nosa nova e mellorada serie de lámpadas intelixentes e altofalantes bluetooth, elaborados nunha colaboración chea de cor coa deseñadora Tekla Evelina Severin, non che resultará complicado atopar unha combinación de funcionalidade e estilo que encaixe contigo. Contan coa incrible función Spotify Tap —un botón que, cun simple toque, permite retomar a escoita onde a deixaches por última vez, e se o premes outra vez, ofréceche unha recomendación—, polo que nunca fora tan doado gozar dunha banda sonora á medida no teu santuario.
Pasa da electrónica para o fogar á electrónica para os mobles do fogar
Ilumina o teu fogar e éncheo das mellores cancións! Coa nosa nova e mellorada serie de lámpadas intelixentes e altofalantes bluetooth, elaborados nunha colaboración chea de cor coa deseñadora Tekla Evelina Severin, non che resultará complicado atopar unha combinación de funcionalidade e estilo que encaixe contigo. Contan coa incrible función Spotify Tap —un botón que, cun simple toque, permite retomar a escoita onde a deixaches por última vez, e se o premes outra vez, ofréceche unha recomendación—, polo que nunca fora tan doado gozar dunha banda sonora á medida no teu santuario.
Axuda sobre produtos
Electrónica para o fogar
Anova o teu espazo vital con artigos da nosa gama de electrónica para o fogar. Temos produtos que poden mellorar o teu fogar, como iluminación intelixente ou altofalantes. Mergúllate nun futuro de comodidade, practicidade e estilo coa nosa gama de produtos intelixentes.
En que consisten os dispositivos intelixentes para o fogar?
Tes curiosidade polo universo dos fogares intelixentes? Non só che pasa a ti! Son moitas as persoas que se preguntan que fan eses dispositivos para facilitar e mellorar as súas vidas. Os dispositivos intelixentes para o fogar conectan facilmente o teu día a día. Axusta a iluminación, carga o teu smartphone, elixe unha lista de reprodución ou baixa os estores facilmente. Goza da maxia de ter un fogar que responde ás túas necesidades.
Integra a iluminación intelixente na túa rutina diaria
Ilumina a túa vida coas marabillas da iluminación intelixente. Como poden mellorar a túa rutina diaria? A nosa colección de electrónica para o fogar inclúe unha ampla variedade de opcións de iluminación para transformar o teu espazo nun intre. Crea ambiente, controla o brillo e aforra enerxía, todo isto con só premer un botón.
Unha sinfonía de estilo e son
Realza o teu fogar coa fusión perfecta de estilo e son. Os nosos altofalantes Wi-Fi SYMFONISK, unha colaboración con Sonos, intégranse facilmente no teu espazo vital en forma de opcións versátiles como lámpadas con altofalante e altofalantes de estante. Goza da marabillosa sinfonía do deseño excelente e a impecable calidade do son. Converte o teu espazo nun paraíso de harmonía con altofalantes que se integran sen esforzo no teu estilo de vida. A música nunca fora tan fermosa!
Como manter e aproveitar a electrónica para o fogar
Unha vantaxe de crear un espazo vital intelixente é que os cables enleados se reducen significativamente. Porén, os cables non desaparecen de todo. Pero non te preocupes: temos produtos para poñer fin aos barullos de cables no teu fogar. Empeza por agrupalos segundo o tipo de dispositivo: cargadores, auriculares ou cables USB. Utiliza bridas de cables con códigos de cores ou etiquetas para os distinguir. Emprega clips ou organizadores de cables para telos ben ordenados e evitar que enleen. Proba a incorporar manguitos de cable para conseguir un acabado máis limpo e agochar varios cables nunha única funda. Con estas solucións intelixentes, esquecerás as leas de cables e gozarás dun sistema de electrónica para o fogar perfectamente organizado.
Lembra que o teu fogar non é só un espazo: é un reflexo do teu estilo e un lenzo para innovar. Mergúllate no universo da electrónica do fogar, onde a comodidade e a tecnoloxía de vangarda van da man.