Estamos a principios de agosto. As noites aínda son cálidas, e é o momento perfecto para a festa anual do cangrexo de río. Temos todo o que precisas para preparar a mesa durante esta tradición sueca: unha longa noite de babeiros, sombreiros de papel, faroliños, augardente, cancións, risas, amigos, familia e unha chea de cangrexos de río fervidos.
Ordenar e filtrar
Lista de resultados
O máis vendido
O máis vendido
Categorías relacionadas
Se queres organizar unha festa do cangrexo inesquecible este verán, non busques máis. Con esta coidada selección de accesorios de decoración do fogar accesibles e elegantes, crearás o ambiente perfecto para os teus convidados e convidadas gozaren dun marisco fresco, de boa compañía e do ambiente do verán. Desde mobles de exterior duradeiros e elegantes ata adornos e vaixelas orixinais, terás todo o necesario para crear unha experiencia acolledora e divertida ó aire libre.
Decorar un espazo exterior para a festa do cangrexo
Decora o teu espazo exterior con farois que semellan lúas risoñas que brillan na escuridade. Pendura farois de papel ou grilandas de luces nas árbores ou no xardín para crear un ambiente festivo. Utiliza pequenos cubos ou cestas para meter os cangrexos e dálles tenaces e pinzas ós teus convidados para abriren as cunchas. Para completar o conxunto, ponlle algo de vexetación, como plantas ou flores en testos, para darlle un aire natural ó espazo.
Os convidados das festas do cangrexo adoitan levar babeiros e sombreiros de papel con imaxes de cangrexos. Reúne os teus amigos e familiares (especialmente os nenos) para crear a vosa propia decoración cunha divertida actividade de manualidades. Só necesitas un pouco de papel pardo e cordón.
Elementos imprescindibles da festa do cangrexo para pasar unha divertida noite de verán
As kräftskivor, festas do cangrexo de río, son habituais a finais de agosto en Suecia, cando as noites de verán aínda son cálidas. No centro da mesa colócanse os cangrexos, que se ferven en salmoira e aneto, e se serven fríos. Os comensais adoitan comelos coas mans. Como acompañamento cómense tortas de queixo de Västerbotten, unha rexión de Suecia, e pan duro con queixo. Por último, pero no por iso menos importante, para gozar dos cangrexos de río hai que acompañalos con cervexa fría e augardente, preferiblemente especiada.