Estores enrolables

No tocante á decoración do dormitorio, as cortinas e os estores teñen unha función fundamental para crear un ambiente acolledor e agradable. Ademais de seren unha capa adicional decorativa coa que conservar a cor, tamén son un elemento para controlar a iluminación e crear un espazo íntimo. 

Elixir as cortinas ou estores axeitados é importante para conseguir o nivel de luz solar e a temperatura desexados no dormitorio cos que crear un ambiente relaxado e agradable con maior facilidade. 

Elegancia en calquera peza do fogar

Os estores son un engadido versátil e práctico para calquera dormitorio e desde hai anos son tamén un dos elementos decorativos por excelencia, xa que axudan a crear espazos íntimos e a controlar a iluminación e o illamento.

Ademais das vantaxes funcionais, os estores tamén poden actuar como elemento de deseño no dormitorio. Están dispoñibles en diversas cores, texturas e estampados que poden complementar ou contrastar coa túa decoración actual e así darlle interese visual e profundidade á estancia. 

O material que elixas para os estores dependerá das túas preferencias persoais, o teu orzamento e as necesidades específicas do espazo. Estes estores están dispoñibles en materiais como poliéster, algodón e tea transparente ou opaca. Os estores sintéticos son resistentes, fáciles de limpar e accesibles. Os estores pregables translúcidos e de algodón son transpirables, lixeiros e, con frecuencia, semitransparentes. O tecido dos estores opacos é o máis groso dos materiais especialmente deseñados para bloquear a luz. 

IKEA ofrece diversos estilos, como o tradicional, moderno ou minimalista, para satisfacer os teus gustos e preferencias persoais. Podes mellorar a estética dunha xanela cun estor elegante, que se pode usar en solitario ou cunha cortina.

Independentemente do tipo que elixas, os estores pregables tamén poden ser unha forma de transformar o aspecto do dormitorio cunha boa relación custo-eficacia e sen facer cambios significativos. Tamén os podes cambiar ou engadir outros novos para cambiar o estilo da estancia.

Un fogar máis intelixente 

Grazas ós avances tecnolóxicos, os estores intelixentes e eléctricos convertéronse nunha forma cómoda e innovadora de mellorar unha vivenda. Ó contrario que os estores tradicionais, os estores eléctricos pódense programar facilmente para acordar paseniño con iluminación natural após unha noite tranquila de descanso. Hai modelos que se poden conectar a dispositivos, para que poidas axustar a configuración con comodidade desde case calquera parte. Só tes que utilizar o mando a distancia que se inclúe ou a aplicación IKEA Home smart para programar a configuración como prefiras.

Descubre a nosa gama de estores e como renovar o estilo das túas xanelas.