Estantes flotantes
Proba a almacenaxe intelixente e elegante con estantes flotantes. Cun aspecto minimalista e discreto e unha montaxe practicamente invisible, as guías de suspensión ocultas fan que mesmo parezan parte da parede. Utilízaos para mostrar os teus obxectos máis prezados dun xeito moderno.
Vistos recentemente
Se queres engadir solucións de almacenaxe e exposición ó teu fogar, os estantes flotantes poden ser unha opción versátil e moderna. Estes estantes parecen "flotar" na parede, sen soportes visibles, polo que teñen un estilo elegante e minimalista. Ademais de darlle un toque moderno e decorativo ó fogar, permítenche liberar espazo e gozar dun fogar un pouco máis ordenado.
Como instalar estantes flotantes
Instalar estantes flotantes é un proceso relativamente sinxelo que se pode completar cunhas poucas ferramentas e materiais. Se che gusta a bricolaxe, pode ser un proxecto moi divertido.
Para instalar estantes flotantes, empeza medindo e marcando a parte da parede onde queiras poñelos con cinta métrica, un lapis e un nivel para asegurarte de que as marcas estean rectas. Deseguido, sigue as instrucións do fabricante para instalar os soportes na parede, aparafúsaos en tacos para ter a máxima suxeición posible e utiliza un nivel para asegurarte de que estean rectos. Após montar os soportes, desliza os estantes con coidado sobre eles, asegúrate de que estean ó mesmo nivel e que haxa un espazo uniforme entre eles. Por último, fixa os estantes ós soportes con parafusos e asegúrate de que sexan o suficientemente longos para atravesar o estante e chegar ó soporte.
Estantes flotantes de esquina
Este tipo de estantes de parede son un engadido elegante e funcional para calquera estancia do fogar, ofrecen espazo de almacenaxe e contribúen a mellorar o interese visual a esas esquinas nas que non adoitamos reparar. Os estantes de esquina están dispoñibles en diversas formas: triangulares, hexagonais e curvas, entre outras.
Ó elixir a forma do propio estante, pensa no estilo da estancia e as cousas que queiras exhibir. Os estantes de esquina pódense instalar con soportes flotantes, soportes de esquina ou soportes ocultos. Elixe un método que soporte o peso dos estantes e dos artigos que quixeres almacenar.
Elixir os materiais adecuados
Á hora de elixir os materiais para os estantes flotantes, podes elixir entre diversas opcións. O mellor material para os teus estantes flotantes de parede dependerá do teu estilo persoal, a decoración da estancia e as túas necesidades e preferencias específicas.
A madeira é unha opción popular para os estantes flotantes, porque é forte e duradeira, e está dispoñible en distintos acabados e texturas. Ademais, os estantes flotantes de madeira pódense tinguir ou pintar para que vaian a xogo coa decoración da estancia. Para os estantes flotantes adóitase utilizar madeira dura, como o carballo, o pradairo e a nogueira, mais tamén madeira branda, como a do piñeiro. Os estantes flotantes de carballo son unha opción común debido á súa resistencia e estabilidade.
O vidro, o metal e o acrílico tamén son materiais populares para os estantes flotantes. Cada un ten vantaxes e inconvenientes. O vidro ofrece un aspecto elegante e moderno, mais é fráxil e non é recomendable para as zonas de paso. Os estantes de metal son resistentes e duradeiros, mais poden ser pesados e requirir unha montaxe máis segura. O material acrílico é lixeiro e pódese personalizar, mais tamén se pode raiar facilmente e non é a mellor opción para as zonas de paso.