Estantes de parede de cubos
Tanto se vives nun piso pequeno e queres facer sitio no chan como se precisas almacenaxe para algo máis grande, os estantes de parede con forma de cubo ofrécenche infinitas posibilidades. Abonda con encastelalos, colgalos ou combinalos como queiras ata dares coa solución perfecta para ti.
Ordenar e filtrar
Categorías relacionadas
Información de decoración sobre os andeis de cubos para a parede
Todos temos unha faceta artística. Se aínda non descubriches a túa, agora tes a oportunidade perfecta. Así que desata a túa creatividade e comeza a personalizar o teu fogar cunha verdadeira obra de arte.
Tanto se decides poñelos na sala de estar como no recibidor, o dormitorio ou mesmo no teu espazo de traballo, estes andeis de parede ofrecen unha solución de almacenaxe única e personalizable. Elixe entre diversos tamaños e cores para conseguir un resultado personalizado acorde co teu estilo. Tanto ten que procures o estilo rústico dun andel clásico de madeira marrón ou que prefiras un toque moderno con detalles de cores alegres: temos o que buscas.
Estes andeis de cubos, deseñados en cores e tamaños diversos, pódense mesturar entre si para conseguir unha decoración personalizada segundo o teu estilo. Porén, as posibilidades non rematan aí, xa que tamén podes mesturalos con unidades ou combinacións preestablecidas.
Estes andeis de cubos para a parede, sinxelos pero moi funcionais, permítenche amosar os teus libros, marcos de fotos, adornos e outros obxectos similares. Tamén podes usalos para gardar materiais de oficina e manualidades que queiras ter organizados e á man.
Se queres achegar a natureza ao teu fogar, tamén podes enchelos de plantas ou outros elementos naturais para darlle un toque de vexetación ao teu espazo.
Por que nos gustan tanto os andeis de cubos para a parede?
Esta solución de almacenaxe, ideal para ter as cousas organizadas e acceder facilmente a elas, é de grande axuda cando o espazo vital é limitado. Como se poden montar na parede, non ocupan espazo no chan e danlle un toque de estilo mesmo aos apartamentos compactos ou ás estancias pequenas.
E como teñen un deseño sinxelo e cúbico, instalalos é moi doado, mesmo se non tes moita experiencia coa bricolaxe. Podes elixir entre un proceso de montaxe sinxelo con tacos de madeira que encaixan en orificios pretradeados ou un resultado máis robusto con parafusos.