Recheos nórdicos

Cada persoa ten as súas preferencias para os edredóns. A algúns gústanos a sensación dun edredón cálido e pesado sobre nós, e outros prefiren os fresquiños e lixeiros. Un bo edredón ten que ser dun material transpirable para que te manteña seco e regule a temperatura durante toda a noite. O edredón perfecto tamén debe ter o peso, o tamaño e a forma axeitados. Son moitos factores que considerar. Por sorte, temos edredóns para todos os gustos para que atopes o que ofreza o peso e o grao de calidez e ventilación que prefiras. 

Edredón de verán: un edredón para cada estación?

Durante o verán e a primavera, a temperatura normalmente sube. É normal que isto afecte o teu soño, xa que terás demasiada calor co teu edredón habitual. Aínda que un bo edredón absorbe a humidade, transpira e ofrece unha ventilación axeitada, é posible que ille de forma demasiado eficaz para unha noite cálida.

Unha boa solución é contar cun edredón de verán máis fresco que manteña a agradable sensación de envolverte nunha colcha, pero sen que pases calor. Escolle un dos nosos edredóns máis frescos como edredón de verán se tes tendencia a suar e pasar calor nas noites máis cálidas.

Elixe o material e o recheo axeitados

Ademais de escoller o grao de calidez do teu edredón, tamén podes escoller entre distintos materiais con distintas vantaxes e características.

Mesturas de algodón, poliéster, lyocell e polipropileno

Algúns dos nosos edredóns teñen un recheo suave de fibras de algodón, poliéster ou polipropileno. As fibras son lixeiras e manteñen sen problemas o seu volume e a súa capacidade de illamento. Tamén deixan respirar o corpo, e isto axuda a manter unha temperatura uniforme toda a noite. Por último, os edredóns fabricados con estas mesturas de materiais son doados de lavar a altas temperaturas que acaban cos ácaros.

Penuxe e plumas de pato

A penuxe e as plumas de pato son coñecidas polas súas capacidades illantes. Un edredón recheo de plumas e penuxe mantén a calidez ao tempo que é lixeiro, esponxoso e suave. E tamén pode lavarse a altas temperaturas para matar os ácaros, e incluso secarse na secadora.