Cubos de lixo para reciclaxe

Caldeiros pensados para algo máis que o lixo

Que fai que un caldeiro de cociña sexa o adecuado?

Os mellores caldeiros de cociña pasan desapercibidos e, discretamente, axudan a manter o espazo limpo e en orde. Se vas desbotando varreduras durante a preparación dun prato ou se prefires recollelo todo despois de tomar un té, co caldeiro axeitado todo resulta máis cómodo. O tamaño, a situación e a función son igualmente importantes. Algúns caldeiros colócanse no interior dun armario, agochados, mais á man. Outros son máis extrovertidos e están á vista, prontos para pasar á acción. En IKEA ofrecemos unha gama de caldeiros de cociña pensados para a vida moderna, o que significa que foron deseñados para facilitar todo o posible a organización, o baleirado e a limpeza.

Como organizo o lixo sen crear moita desorde?

Ter o lixo organizado non ten por que ser unha tarefa entediante nin ocupar toda a superficie da cociña. Os nosos caldeiros para o lixo facilitan a separación da comida, dos envases, do vidro e demais. Moitos collen dentro de armarios, con prácticas estruturas extraíbles, para telo todo agochado, mais á man ao mesmo tempo. Se prefires caldeiros independentes, hai opcións empillables ou tapas de distintas cores para telo todo en orde.

Precisas ideas para distribuír os caldeiros na túa vivenda?

• Escolle caldeiros empillables se hai pouco espazo
• Escolle sistemas extraíbles para organizalo todo facilmente en armarios fondos
• Escolle recipientes maiores se tes moito para reciclar
• Pon etiquetas para toda a familia saber como actuar

E non esquezas o dispensador de bolsas de plástico: unha ferramenta pequena e valiosa para as bolsas ocuparen menos espazo en caixóns e armarios. É un accesorio estupendo para o caldeiro, sobre todo se reutilizas as bolsas de plástico para o lixo ou como reforzo.

Que caldeiros de reciclaxe para a cociña se adaptan ao meu espazo e aos meus hábitos?

Como non todas as cociñas funcionan igual, creamos unha mestura de opcións que se adaptan a distintas distribucións e estilos de vida. Os nosos caldeiros de reciclaxe de cociña están dispoñibles en varios tamaños e formas para personalizares a configuración en función de canto recicles e a frecuencia coa que baleires os caldeiros. 

• Se cociñas moito, cun caldeiro grande poderás xestionar os residuos adicionais
• No caso das cociñas pequenas, os caldeiros de tamaño reducido ou de esquina permiten aforrar espazo
• Os fogares con maior hábito de reciclaxe aproveitarán mellor os sistemas de compartimentos múltiples

Con deseños intelixentes e solucións flexibles, os nosos caldeiros permitiranche facer o correcto sen complicacións. Desde que te pos a mondar as verduras até o enxaugue final dos pratos, o máis importante é ter un día a día máis organizado.