Bancos zapateiros e colgadoiros

Cando tes présa, encontrar os zapatos axeitados para o modelo dese día pode ser un verdadeiro reto. Se tes pouco espazo no armario, é fundamental contar co zapateiro idóneo. 

IKEA ofrece unha ampla selección de solucións para almacenar zapatos que te axudan a ter a túa colección sempre en orde e á man. Desde estantes para zapatos ata zapateiros de distintos tamaños, estilos e materiais, encontrarás a mellor solución segundo as túas preferencias e necesidades de almacenaxe. 

Solucións de almacenaxe deseñadas especificamente para os zapatos

Os organizadores de zapatos (incluídos os estantes, os zapateiros, etc.) son esenciais para ter os zapatos en orde e limpos e para evitar a desorde.

Con zapateiros por toda a casa, resultarache máis sinxelo encontrar os zapatos, xa que terán un espazo de seu. Esta configuración sinxela ofrece un espazo máis ordenado, xa que che permite coller facilmente os teus zapatos xusto antes de saír. Tamén permite os convidados e outros membros do fogar colocaren os seus zapatos en orde ó entrar ou saír.  

Que tipos de zapateiros hai?

Os andeis para zapatos son o tipo de zapateiro máis común e consisten nunha serie de estantes horizontais onde se poden gardar moitos pares de zapatos. Poden estar feitos de madeira, metal ou plástico e están dispoñibles en distintos tamaños para adaptarse a diversos tipos e tamaños de zapatos.

Os zapateiros, tamén coñecidos como "mobles zapateiros", teñen portas ou caixóns para agochar o calzado dentro. Son ideais para aquelas persoas que non queren ter os zapatos á vista e manter o fogar en orde.

Os organizadores de zapatos, tamén coñecidos como "zapateiros colgantes", son aqueles que se poden pendurar detrás dunha porta ou montar na parede. Teñen petos ou compartimentos para gardar os pares por separado, polo que son ideais para espazos pequenos ou para persoas que non teñen moitos zapatos. Este tipo de solucións de almacenaxe de zapatos permíteche empillalos en vertical e, xa que logo, non necesitarás tanto espazo no chan. 

Outra solución de almacenaxe de zapatos elegante e práctica coa que poderás aproveitar ó máximo o espazo é o banco zapateiro. Os bancos zapateiros combinan espazo de almacenaxe e asentos. Teñen un banco ou tallo enriba e estantes ou compartimentos para zapatos debaixo. Son ideais para sentar ou poñer e quitar os zapatos na entrada de casa. Esta solución resulta moi elegante na entrada, no dormitorio ou na sala de estar, aforra espazo e é moi popular, xa que funciona tamén como parte da decoración.

Descubre as nosas solucións de almacenaxe para aforrar espazo e mostra a túa colección de zapatos en perfecta orde.