Andeis

Os estantes son sistemas de almacenaxe versátiles e prácticos, ideais para utilizar en distintos lugares como fogares, oficinas, comercios e almacéns. Os estantes permiten organizar de maneira ordenada e eficiente artigos como libros, roupa, arquivadores, dispositivos ou obxectos de todo tipo.

IKEA ofrece unha ampla variedade de estantes que se adaptan ó teu estilo de almacenaxe. Elixe o estante axeitado segundo as túas necesidades e goza dun espazo organizado, eficiente e atractivo.

Elixir o estante axeitado

Pensa ben onde vas colocar os estantes antes de elixilos. Hai varios aspectos que considerar, como a súa finalidade, o peso dos obxectos que queres gardar e o espazo dispoñible.

En función da decoración da túa casa e as túas necesidades de almacenaxe, podes optar por estantes independentes, de parede ou móbiles. Algúns teñen características adicionais, como caixóns, armarios e barras para colgar cousas. Se tes pensado gardar artigos pesados, como libros grandes ou ferramentas voluminosas, asegúrate de fixalos na parede para soportaren mellor o peso.

Cando instales os estantes, pensa na distribución dos espazos. Evita colocalos en lugares onde poidan bloquear o paso ou sobrecargar a estancia. Podes elevalos do chan ou aproveitar as esquinas ou recantos para crear un sistema de estantes integrado.

Os estantes tradicionais IKEA teñen andeis móbiles con espazo abondo para cousas de diversos tipos e tamaños, e pódense axustar a diferentes alturas. 

Personaliza os estantes

Os estantes están dispoñibles con diversas formas, tamaños e materiais, como metal, madeira e plástico. Aínda que podes elixir entre distintos tipos, a opción pola que optes dependerá das túas necesidades, preferencias e estilos.

Algunhas persoas prefiren o estilo limpo e minimalista dos estantes abertos, nos que os artigos se poden ver e coller facilmente. Este tipo de módulos son unha grande opción para mostrar artigos decorativos, como plantas, marcos de fotos ou obras de arte. Os estantes en forma de cubo son unha opción aberta moi popular para exhibir os teus artigos ou gardalos en cestos e recipientes decorativos.

Os estantes pechados son a solución perfecta para conseguir un aspecto máis organizado e despexado, xa que as cousas que gardes non quedarán á vista. Os armarios e caixóns personalizables son unha magnífica opción para agochar as túas pertenzas sen renunciar a acceder a elas facilmente cando as necesitares.

Bótalles unha ollada ós nosos estantes para encontrar os compoñentes perfectos cos que crear unha solución de almacenaxe versátil e personalizable.