Abrelatas, ralladores e peladores

Utensilios de cociña para que cortar, mondar e triturar sexa cousa decidida

A boa comida comeza cunha boa preparación e, cos utensilios de cociña axeitados, cortar, mondar e remexer resultarache moi sinxelo. Pouco importa o elaborado que sexa o teu prato: a nosa gama de utensilios foi deseñada para avanzar facilmente dun paso da receita ao seguinte. Son prácticos e resistentes e estarán do teu lado independentemente do que lles pidas.

Que utensilios son esenciais para as preparacións do día a día?

Os utensilios axeitados axudan a que todo flúa, desde o primeiro corte até o toque final. A nosa colección abrangue todos os momentos chave da preparación, mais non só iso:

• Utensilios para mondar, fáciles de asir e feitos para moverse suavemente por riba dos produtos máis duros, polo que son perfectos para mondar cenorias, mazás ou patacas.
• Utensilios para prensar: por exemplo, o noso espremedor de allos procesa ata o anaco máis pequeno sen ti manchar os dedos.
• Utensilios para facer puré: como os nosos clásicos pasadores de puré, deseñados para preparar purés de pataca suaves e cremosos con menos esforzo.
• Reladores: para queixos, peles de froitas, chocolates ou verduras. Queres anacos finos ou máis grosos? Non importa: podes conseguir calquera textura.

Todos os utensilios están feitos para o día a día, polo que son fáciles de limpar e de gardar, mais tamén son resistentes para soportar anos e anos de comidas caseiras.

Como escollo os utensilios ideais para tarefas específicas?

Non todas as tarefas son iguais, por iso ofrecemos diferentes características que encaixan con distintas necesidades:

• Empuñaduras de agarre cómodo para tarefas longas, como mondar ou relar.
• Deseños compactos ou pregables para cociñas pequenas ou con poucos caixóns.
• Acabados aptos para lavalouza que facilitan e axilizan a limpeza.

Se comes moita pasta, unha culler de espaguetes axudarache a sacar, servir e mesturar como os profesionais (sen saíren do prato). E se adoitas preparar de vez a comida de toda a semana, cos utensilios de preparación poderás aforrar tempo e molestias.

Que materiais e deseños debería buscar?

Deseñamos utensilios que se adaptan á túa man e encaixan na túa cociña.
Aquí encontrarás:

• Acabados en aceiro inoxidable, máis robustos e resistentes.
• Plásticos sen BPA en cores neutras e liñas depuradas.
• Detalles de deseño moi coidados, como buratos para pendurar ou formas empillables, para os teus armarios ficaren en orde.

Os nosos utensilios de cociña non teñen ningún detalle innecesario: todos son funcionais, cómodos e duradeiros. Así que pouco importa se vas relar queixo ou se o teu obxectivo pasa por conseguir o puré de patacas perfecto: os nosos utensilios axudaranche a que cada comida sexa un éxito.