Saltar
GL ESgalego

É posible mellorar a vida no fogar a través dunha comida saudable?

Gústanos a boa comida, así como innovar e crear produtos alimenticios deliciosos e nutritivos. A nosa maior inspiración? Saber que podemos crear un mellor día a día no fogar para todo o mundo a través de comidas saborosas, saudables e sostibles.

Enriba dunha mesa de madeira, dous pratos brancos con albóndegas vexetais, herbas verdes, unha mestura colorida de verduras e un garfo.
Retrato de Maria Wirén, Nutrition and Health Leader de IKEA.
“
Adoro a comida. A comida é a nosa amiga, e a miña misión é axudar a que as persoas mostren unha actitude máis positiva e inclusiva cara á nutrición e a saúde.
”

Maria WirénNutrition/Health Leader, IKEA

Consume alimentos de calidade

Cada alimento ten unha composición nutricional diferente, con niveis distintos de hidratos de carbono, proteínas, graxas, vitaminas e minerais. O corpo precísanos todos para funcionar ben. Por iso, recoméndase levar unha alimentación variada, con máis fibras e vexetais. Os alimentos de alto contido nutricional, a maioría procedentes do reino vexetal (hortalizas, legumes ou froita), constitúen a base dunha dieta saudable e equilibrada.

En Suecia, gústanos o "lagom"

Se queremos levar unha dieta saudable, ademais de ter en conta o que comemos, tamén debemos fixarnos en que cantidade o facemos. Para que a nosa oferta de produtos alimenticios de IKEA contribúa a levar unha dieta equilibrada, seguimos o principio do "lagom" sueco: nin moito, nin pouco, o xusto. Por iso, son dobremente beneficiosos. As porcións "lagom" axudan a estragar a cantidade mínima de comida posible e contribúen a mellorar a saúde.

Unha persoa na cociña dun restaurante, vestida con uniforme, luvas e un mandil, enche varios cuncos de ensalada.
“
Nós non decidimos o que é "saudable". A definición ten que ter unha base científica e estar fundamentada para ser útil, tanto para os nosos clientes como para nós mesmos.
”

Maria WirénNutrition/Health Leader, IKEA

Daquela, que é "saudable"?

Á hora de crear novos produtos, en IKEA empregamos un sistema de perfís nutricionais (IFNPS) avalado pola ciencia. Os criterios nutricionais que obtemos del aplícanse a toda a gama, dende paquetes individuais ata aperitivos ou comidas enteiras. Cada categoría alimentaria ten tres niveis de calidade: verde, amarelo e vermello. O verde equivale ao nivel con mellor calidade nutricional.
O sistema mide:

  • calorías (kcal)
  • graxas saturadas
  • azucres
  • sal
  • fibra
Retrato de Elin Boll, Nutrition and Health Leader de IKEA.
“
Queremos mellorar a vida das persoas no fogar coa nosa gama de produtos alimenticios, pois sabemos que todo comeza pola comida.
”

Elin BollNutrition/Health Leader, IKEA

Bos de sabor, bos para o corpo

IKEA contribúe ao movemento verde da alimentación ofrecendo varias opcións de alimentos vexetais con verduras e proteínas de orixe vexetal. A nosa misión é atopar solucións que teñan un sabor especial para que os nosos clientes o teñan máis doado, tanto cando veñen comer a IKEA como cando cociñan os nosos produtos na casa. Para ofrecer a máxima calidade, estes produtos cumpren os nosos requisitos nutricionais máis estritos.

Dous adultos e dous nenos falan e rin mentres comen nun restaurante IKEA á beira dunha bolsa FRAKTA amarela.

Cada ano, máis de 500 millóns de persoas comen en IKEA e mercan alimentos nas nosas tendas de alimentación sueca.

Come na nosa casa (ou na túa)

Cada ano, máis de 500 millóns de persoas comen e mercan alimentos en IKEA, e cada unha delas ten unha boa razón para facelo. Ofrecemos moreas de alimentos deliciosos, saudables e sostibles para todo tipo de situacións, necesidades individuais e preferencias. Come, merenda ou toma a sobremesa nas nosas tendas, ou pásate pola tenda de alimentación sueca e atopa o que precisas para cociñar en casa. As familias con nenos son moi importantes para nós. Por iso, o noso sistema de perfís nutricionais ten en conta as necesidades alimentarias dos máis cativos.

As túas decisións alimentarias importan

Comer ben non só é bo para a mente e o corpo, tamén o é para o medio. Escoller máis produtos de orixe vexetal é beneficioso para o planeta porque estes alimentos requiren menos recursos para seren producidos e teñen unha menor pegada de carbono. 

Cóntanos a túa experiencia!