Acción climática
A nosa visión é crear un mellor día a día para a maioría das persoas. No mundo actual, isto significa transformar o noso negocio e a nosa cadea de valor para reducir drasticamente a nosa pegada climática. Temos esa responsabilidade cos fogares que compartimos, e é o que os nosos clientes e colaboradores/as agardan.
Comprometémonos a axudar a limitar o aumento da temperatura global a 1,5 °C, con cero emisións netas, para 2050.
Unha estratexia clara
Os obxectivos que establecemos son ambiciosos. Entre eles, atópase o compromiso de reducir á metade as emisións globais para o 2030. Para iso, debemos reducir as emisións de gases de efecto invernadoiro a un valor inferior ao que emite toda a cadea de valor IKEA ao tempo que medra o negocio IKEA.
Cara ás cero emisións netas
Comprometémonos a cumprir o Acordo de París e a contribuír a limitar o aumento da temperatura global a 1,5 °C por enriba dos niveis preindustriais. Isto inclúe o compromiso de reducir as emisións absolutas de gases de efecto invernadoiro (GEI) da cadea de valor polo menos un 50% para o FY30, en comparación coa referencia do FY16, e de acadar as cero emisións netas para o FY50 como tarde, sen depender das compensacións de carbono para alcanzar ese obxectivo de redución absoluta. Ademais, eliminaremos e almacenaremos carbono a través da silvicultura, a agricultura e os produtos, e iremos máis aló da nosa cadea de valor para contribuír á redución adicional na sociedade.
Axenda climática
Para reducir a nosa pegada climática, establecemos os seguintes obxectivos estratéxicos, por orde de prioridade:
1. Redución drástica das emisións de gases de efecto invernadoiro
Conseguirase usando máis materiais e produtos alimentarios cunha pegada climática baixa. Traballamos en prol da electrificación das nosas operacións con enerxía procedente, na súa totalidade, de fontes renovables e a mellora continua da eficiencia enerxética. Promovemos opcións cunha menor pegada climática durante a nosa transición a un negocio circular.
Creación de mercados para artigos de segunda man
Un número cada vez maior de mercados IKEA recompran os mobles IKEA a clientes que xa non os precisan e revenden estes artigos de segunda man de boa calidade a novos clientes nas seccións de oportunidades. IKEA en Suecia probou unha tenda temporal totalmente equipada con produtos IKEA de segunda man.
Axudamos a que os produtos duren máis tempo
Ofrecemos cada vez máis pezas de reposto para que os clientes poidan prolongar a vida útil dos seus produtos. Para facilitar aínda máis aos clientes a obtención de pezas de reposto, lanzamos unha solución de pedidos en liña fácil de usar en todo o mundo.
Zona de reciclaxe
Sabías que nas nosas tendas temos habilitada unha zona para reciclar todo o que xa non precisas e asegurarte de que ten un bo destino? Visita a túa tenda IKEA e infórmate sobre todos os produtos que podemos recoller e xestionar de forma axeitada.