Como a Fundación IKEA loita contra a pobreza e o cambio climático
Todos os nenos merecen un futuro rechamante. Aínda así, moitos nenos e familias afrontan dúas grandes ameazas para ese futuro: a pobreza e o cambio climático.
A Fundación IKEA é unha fundación benéfica totalmente independente que traballa para axudalos a facer fronte a estes dous retos.
A Fundación IKEA é unha organización humanitaria estratéxica que traballa para mellorar as vidas das familias e protexer o planeta. Con este obxectivo en mente, colabora cos socios para identificar e resolver problemas, escalar as solucións e modificar os complexos sistemas que contribúen á pobreza e o cambio climático. Ao igual que o negocio retallista, a Fundación IKEA traballa para materializar a visión do noso fundador: crear un mellor día a día para a maioría das persoas. Iso si: céntrase na maioría das persoas que non forman parte das comunidades nas que IKEA adoita levar a cabo as súas actividades. Dedica o seu traballo a axudar os nenos, as familias e as persoas que se viron obrigados a abandonar o seu fogar nalgunhas das comunidades máis vulnerables do mundo.
A Fundación IKEA e o negocio retallista de IKEA traballan para crear un mellor día a día para a maioría das persoas. Máis información sobre o traballo que realiza a Fundación IKEA ou sobre a sostibilidade e os compromisos comunitarios da organización retallista
Como loita a Fundación IKEA contra a pobreza?
A Fundación IKEA dedícase a mellorar os medios de vida das familias nalgunhas das comunidades máis vulnerables do mundo. Xunto cos seus socios, permite ás familias obter uns ingresos dignos, saír da pobreza e darlles un futuro aos seus fillos.
Para iso, financia programas que impulsan os medios de vida das persoas con enerxía renovable, apoian a agricultura beneficiosa para o planeta e crean oportunidades de proxectos ecolóxicos. Por exemplo, ofrece enerxía renovable ás comunidades da India e transforma as paisaxes deterioradas de Quenia en terreos fértiles que se poden cultivar para as xeracións futuras.
Tamén apoia os refuxiados e as persoas que se viron obrigadas a fuxir dos seus fogares para que poidan forxar medios de vida sostibles e formar parte de comunidades prósperas. A Fundación IKEA leva máis de 10 anos traballando para cambiar a forma na que a comunidade internacional apoia os refuxiados. Contribúe coa investigación e as solucións prácticas a un enfoque no que os refuxiados e as súas comunidades de acollida medren xuntos
Como aborda a Fundación IKEA o cambio climático?
O aumento das temperaturas está provocando cambios no clima que afectan a todos os aspectos da nosa vida: dende os alimentos que inxerimos ata a auga que bebemos e o aire que respiramos. A evidencia científica é clara: temos moi pouca marxe de tempo para reducir drasticamente as emisións de carbono. Cómpre actuar xa.
A Fundación IKEA loita por un planeta capaz de manter a maioría das persoas que o habitan. Apoia programas que alentan Gobernos, empresas e organizacións benéficas a dar un paso adiante e crear cambios. Tamén financia directamente organizacións que traballan con enerxía renovable e agricultura rexenerativa para reducir as emisións e crear mellores medios de vida para os nenos e as nenas, e mais as súas familias.
No 2021, a Fundación IKEA anunciou que ofrecería mil millóns de euros en financiamento durante un período de cinco anos para reducir rapidamente as emisións de gases de efecto invernadoiro. Desta cantidade, xa se asignaron 500 millóns de euros a unha nova iniciativa chamada Global Energy Alliance for People and Planet. O obxectivo é deixar de emitir 4 millóns de toneladas de gases de efecto invernadoiro, abastecer mil millóns de persoas con enerxía renovable e crear 150 millóns de empregos respectuosos co medio ambiente.
De onde obtén os cartos a Fundación IKEA?
A Fundación IKEA séntese orgullosa de compartir o nome, os valores e o fundador de IKEA, á vez que traballa de maneira independente ao negocio retallista.
A Fundación IKEA recibe o seu financiamento da Fundación INGKA, propietaria do Grupo INGKA, o maior retallista de IKEA. A propiedade do Grupo INGKA proporciona á Fundación INGKA os recursos necesarios para alcanzar o seu propósito solidario.
Os beneficios do Grupo INGKA só poden volver ao negocio ou proporcionarse á Fundación INGKA. O financiamento que achega a Fundación INGKA á Fundación IKEA procede orixinalmente dos dividendos que recibe do Grupo INGKA. Tes máis información sobre a Fundación INGKA no seu sitio web.
En 2022, a Fundación IKEA achegou 268 millóns de euros. Dende 2009, foron máis de 1800 millóns en total.
Podes obter máis información sobre a Fundación IKEA no seu sitio web.
A Fundación IKEA ten unha misión
A Fundación IKEA está traballando para mellorar a vida dos nenos máis vulnerables, ao axudar as súas familias a crear medios de vida sostibles e ao facer fronte ao cambio climático.
