Ofertas IKEA IKEA A Coruña

Condicións legais do uso da Tarxeta Benvida en IKEA A Coruña

Se, ademais de ser membro do club IKEA Family, es titular dunha Tarxeta Benvida, poderás recibir un cupón por importe único de vinte euros (20.-€) que poderás utilizar, só unha vez, nunha compra superior a cen euros (100-€) nunha serie de artigos seleccionados da sección infantil da tenda IKEA da Coruña (podes consultar os produtos suxeitos á promoción na sección de nenos de IKEA A Coruña). Para beneficiarche desta promoción exclusiva e recibir o teu cupón, deberás presentar na sección infantil da tenda IKEA da Coruña e nos espazos de deseño e planificación de Santiago de Compostela, Vigo e Ourense, a túa Tarxeta Benvida e o teu Documento Nacional de Identidade, en formato orixinal (non se admiten fotocopias ou documentos escaneados), comprobándose nese momento a túa pertenza ao club IKEA Family. O cupón terá validez unicamente en formato físico e orixinal, na tenda IKEA da Coruña, para os produtos seleccionado. Tras o seu uso deberá ser entregado ao persoal de caixas. Promoción válida desde o 1 de decembro de 2023. Non válido para a compra na web ou telefónica, nin noutros establecementos IKEA distintos á tenda IKEA da Coruña. Só un cupón por Tarxeta Benvida e IKEA Family. Cupón non fraccionable, nin reembolsable ou trocable, nin total nin parcialmente, polo seu importe en efectivo ou en tarxeta regalo de IKEA. Só válido nos produtos seleccionados, excluíndose en todo caso o Restaurante, Bistro e tenda sueca. En caso de devolución total ou parcial da compra na que se utilizou o cupón, non se devolverá o importe do mesmo, nin se lle entregará outro en substitución. Prohibida a súa venda e comercialización por calquera medio. Consulta aquí a listaxe de artigos que podes adquirir co teu Tarxeta Benvida. 

A túa hora tranquila

En IKEA A Coruña estreamos "A túa hora tranquila" como parte do noso compromiso coa inclusión social. O obxectivo é ofrecer unha contorna amigable para os nosos clientes, en especial para as persoas autistas e con alta sensibilidade #ante a iluminación.  Nun compromiso firme pola inclusión e a accesibilidade, IKEA A Coruña e a Rede de Accesibilidade da Federación Autismo Galicia puxeron en marcha un proxecto pioneiro: "A Túa Hora Tranquila". Esta iniciativa representa un avance na accesibilidade cognitiva e a sensibilización, adaptando a contorna de compra para garantir unha experiencia inclusiva e accesible para persoas con autismo e outros perfís con necesidades en accesibilidade cognitiva. Esta iniciativa de IKEA A Coruña para dotar á súa tenda dunha visión moito máis sensibilizada e amable coas persoas con autismo leva a cabo grazas ao deseño do proxecto e á intervención da Federación Autismo Galicia, coa súa rede de accesibilidade cognitiva, dentro da que colabora directamente a Asociación Aspanaes neste proxecto.