Guía de mantemento do mobiliario de exterior

A acacia, o eucalipto e outras madeiras macizas normalmente requiren algo de mantemento de cando en vez. Limpa os mobles con auga e xabón suave, e tápaos cando non os utilices. Todos os nosos mobles de madeira de exterior recibiron un tratamento con verniz ou pintura. Recomendamos envernizalos de novo para evitar as lañas e alongar a súa vida útil. A frecuencia coa que terás que envernizalos de novo dependerá do espazo, o uso e a exposición ás inclemencias meteorolóxicas. Por exemplo, os mobles de exterior deben envernizarse de novo se comezan a absorber as gotas de chuvia, no canto de que fiquen na superficie. Se os mobles pintados empezan a cuartear ou semellan desgastados, píntaos de novo ou retócaos con pintura para exterior.

Retira o teito da pérgola sempre que faga vento ou chova con forza. Límpaa con frecuencia por fóra e por dentro. Ten en conta as instrucións da etiqueta de lavado. Para evitar as lañas, enverniza con frecuencia a estrutura das pérgolas de madeira. Unha estrutura de aceiro é máis doada de manter, xa que só precisa unha solución de auga e xabón suave. Antes de gardala nun lugar fresco e seco, limpa o tecido e deixa que seque ben. Podes usar unha caixa ou unhas bolsas de almacenaxe TOSTERÖ para as cortinas e o teito da pérgola.