Un espazo exterior tradicional cunha cociña completa e moderna

Non é só unha grella. Esta cociña exterior, totalmente equipada e de alta calidade, leva o aspecto e a funcionalidade dunha cociña de interior ao aire libre. Conta con módulos de almacenaxe e andeis, mesados, un vertedoiro, unha mesa alta e, por suposto, unha grella de carbón onde poñer a proba as túas habilidades.

A comida está lista e recende tan ben que mesmo aos veciños lles dá fame. Nesta cociña podes gardar e alcanzar facilmente todo o que precisas para cociñar e servir a comida no exterior. Contar cun conxunto fiable de utensilios e artigos de vaixela é fundamental para organizar reunións ao aire libre: desde bandexas de aceiro inoxidable ata cuncos para salsas.

Creamos unha zona de recepción onde os teus convidados e ti podedes comer e descansar. A mesa grande e as cómodas cadeiras resaltan o estilo tradicional, mentres que a ampla pérgola dálle un estilo atemporal. A lámpada de mesa regulable e as grilandas luminosas van á perfección co ambiente acolledor.

Este agradable recuncho para pasar o tempo cun sofá e cadeiras de brazos ofrece un aspecto suave que prepara o ambiente para un momento de conversacións e risas despois da cea. Para ofrecer unha maior comodidade, non esquezas os coxíns e mantas; se cambia o tempo, sempre podes metelos nunha caixa de almacenaxe para exteriores.