Saltar
GL ESgalego

Ideas para darlle un toque rústico e acolledor ao teu patio

Neste soportal, onde se reúnen tres xeracións da mesma familia, cada actividade ten o seu propio espazo asignado. Este espazo exterior, cun invernadoiro, un acolledor recuncho de lectura e unha zona de xogo chea de cor, é unha parte máis do fogar, onde os membros da familia poden pasar tempo xuntos e cultivar as súas propias verduras.

Un patio luminoso cunha mesa de exterior ASKHOLMEN de cor marrón escura cunhas cadeiras de exterior con repousabrazos e moitas plantas arredor.
Un patio luminoso cunha mesa de exterior ASKHOLMEN de cor marrón escura cunhas cadeiras de exterior con repousabrazos e moitas plantas arredor.

Mobles que fan que o soportal pareza máis grande

A serie ASKHOLMEN ofrece mobles de exterior de madeira versátiles e compactos que resultan ideais para espazos reducidos, como balcóns e patios. Se queres darlle un toque especial a calquera reunión, engade a barra decorativa HELGEÖ á mesa ASKHOLMEN. Podes adornala con grilandas de luces, globos, herbas aromáticas ou plantas gateadoras ou colgantes. Só falta que engalanes a mesa cun mantel fermoso e un vaso con flores acabadas de cortar no xardín. E, por suposto, que reúnas ás persoas que máis queres. Unhas ideas moi sinxelas que poden axudarche a transformar o teu soportal nun lugar de encontro máxico onde vivir momentos inesquecibles.

Velaquí todos os conxuntos de comedor para exterior
Unha zona de comedor nun patio pequeno. Unha rapaza observa ao seu avó mentres prepara un pastel de froitas do bosque xunto a unha mesa de exterior ASKHOLMEN.
Velaquí todos os conxuntos de comedor para exterior

Monta o teu invernadoiro nun chiscar de ollos

Co invernadoiro ASPAREN, sinxelo e accesible, poderás compartir a túa paixón polas plantas cos teus e pasar máis tempo xuntos. Poderás cultivar as túas verduras, froitas, froitas do bosque, plantas e flores, independentemente do espazo que teñas fóra.

Un invernadoiro ASPAREN transparente en branco cunha estrutura de aceiro cuberta cunha lona de poliéster. Dentro hai moitas plantas.
Unha nena cun vestido e unha persoa adulta regando as plantas cunhas regadeiras ÅKERBÄR de varios tamaños en azul escuro.

Empeza hoxe mesmo a coidar das túas plantas esta tempada

O sol empeza a coller forza e xa vai sendo hora de que te poñas mans á obra co teu xardín. Temos todo o que precisas.

Reláxate e deixa que gocen os cativos

Aos cativos empezaralles a gustar facer cousas ao aire libre se lles preparas un sitio para xogar, pintar e divertirse cos seus curmáns e amigos. E non te preocupes se arman moito alboroto: os mobles infantís MAMMUT son moi resistentes e soportan calquera aventura. Un módulo de vertedoiro de exterior GRILLSKÄR virá moi ben para lavar os pratos, preparar a comida e coidar as túas plantas.

Velaquí todos os mobles de exterior para nenos
Unha persoa adulta suxeita un dispensador de xabón e axuda a unha rapaza a lavar as mans nun módulo de vertedoiro de exterior GRILLSKÄR.
Unha mesa infantil redonda en azul claro con papel e lapis enriba, ademais de dous tallos infantís MAMMUT vermellos ao lado.
Velaquí todos os mobles de exterior para nenos

Un recuncho para pasar tempo a soas

Se creas un espazo para cada actividade, todas as persoas atoparán o seu sitio ideal mentres gozan da compañía do resto da familia. Para crear un lugar ideal para relaxarse, ler e tomar un café en compañía, só tes que poñer un par de plantas grandes que axuden a delimitar o espazo e acheguen privacidade, unha mesa pequena e asentos cómodos. Estas amplas cadeiras de brazos SKOGSÖN, cun deseño sinxelo e atemporal, están feitas con materiais lixeiros, polo que poderás cambialas de sitio en función de se queres tomar o sol un anaco ou poñerte á sombra.

Velaquí todas as cadeiras de brazos de exterior
Un patio cunha cadeira de brazos de exterior SKOGSÖN en gris claro cun coxín marrón avermellado, varias plantas e unha mesa auxiliar ao lado.
Velaquí todas as cadeiras de brazos de exterior

Ideas para darlle un toque rústico ao patio e pasar tempo en familia

O xardín é un lugar magnífico para facer cousas co resto da familia, como compartir afeccións, xogar a xogos de mesa ou comer uns amorodos deliciosos. A serie de mobles de exterior ASKHOLMEN está feita de madeira de acacia, un material moi duradeiro e bonito. Estes produtos achegan un toque rústico e acolledor, e converten o patio ou o xardín nunha prolongación natural do teu fogar.

Velaquí todos os mobles de exterior
Un patio cunha mesa de exterior ASKHOLMEN de cor marrón escura, unhas cadeiras de exterior con repousabrazos e unha trona con moitas plantas arredor.
Velaquí todos os mobles de exterior

Cóntanos a túa experiencia!