Mobles con dúas funcións que dan vida á túa sala de estar

Un sofá colocado no medio da sala fronte a parede non só divide a estancia en zonas diferentes, senón que fornece un espazo fantástico para xogar ou ver películas.

Os estantes abertos proporcionan almacenaxe moi valiosa e un lugar para expoñeres os teus obxectos decorativos, mais non só iso, porque dividen o cuarto e ofrécenche privacidade.

Cuns poucos obxectos simples, podes crear o lugar perfecto para gozares deses preciosos momentos para ti, aínda que esteas con máis xente. Non importa se estás a ler, a relaxarte ou a poñerte creativo, todo o que precisas é unha cadeira de brazos, un repousapés e unha mesa auxiliar. E se queres un extra de confort, por que non un coxín?

Cando buscas sacar o máximo partido á túa sala de estar queres mobles e accesorios que se adapten ás túas necesidades sempre cambiantes. Como unha mesa extensible que medra cando é preciso e encolle cando non. Pero a adaptabilidade non está só limitada ao que pode facer o teu mobiliario: tamén é importante o aspecto. Os coxíns e as fundas de cadeiras son prácticos, cómodos e tamén se poden cambiar sempre que queiras darlle un aire novo á túa sala de estar.