Como usar o purificador de aire FÖRNUFTIG

Un prefiltro que se pode baleirar captura as partículas meirandes de po e a peluxe. Un filtro de partículas absorbe substancias como po máis pequeno e pole. Un filtro de gas reduce os cheiros e absorbe os contaminantes gasosos, como o formaldehido. Todo isto mellora a calidade do aire interior para que ti e os teus seres queridos respiredes un aire máis limpo.

Grazas a un enchufe sen fíos e un control remoto TRÅDFRI, podes acender e apagar o purificador de aire sen erguerte do sofá. Se ademais usas un dispositivo de conexión TRÅDFRI, podes conectar a toma á aplicación IKEA Home smart. Coa aplicación, podes acender e apagar o purificador de aire e programar o momento en que se pon en marcha ou se para.

Un aire máis limpo é beneficioso para todos, pero especialmente para as persoas con problemas de alerxia ou enfermidades do aparato respiratorio. O purificador de aire axuda a limpar o aire e pode usarse en case todos os cuartos, tamén nos dormitorios dos nenos. Só tes que colocalos lonxe do seu alcance e fixar ben o cable á parede.

Debes revisar o filtro de partículas e de gases periodicamente. Recoméndase cambialo cada seis meses, como mínimo. Con todo, cada casa é diferente. Revisa os filtros con regularidade para ver se están sucios. Tamén hai unha luz LED que indica cando hai que revisalos ou, talvez, cambialos.