Como pendurar fotos como un profesional

Independentemente da parte do teu fogar na que queiras colgar fotos ou o deseño polo que te decidas, é doado conseguir exactamente o que queres. Só tes que seguir estes pasos sinxelos e poderás crear a parede de arte máis elaborada, con todo perfectamente colocado, sen facer buracos adicionais innecesarios con cravos.

Parede dunha sala de estar luminosa con cadros con diversos marcos RÖDALM enriba de varias mesas auxiliares HOLMERUD con orquídeas e adornos.

Isto é o que necesitas

Marcos para as túas imaxes
Un rolo de papel
Lapis, tesoiras e fita adhesiva
Unha regra ou fita métrica
Ganchos ou cravos para colgar

Varios artigos repartidos por unha superficie de madeira escura, incluídas unhas tesoiras SVÄRDFISK, un protector de escritorio de cortiza SUSIG, un rolo de papel e marcos RÖDALM.

Preparativos con papel e lapis

Traza os cadros sobre o papel e corta modelos para cada cadro. Mide desde o bordo superior do cadro até o gancho ou a corda da parte posterior. Despois, fai a mesma medición no papel e traza unha marca cun lapis.

Unha superficie de madeira escura con tesoiras SVÄRDFISK, un rolo de papel e unha ferramenta de medición enriba, e ao lado dun marco RÖDALM ao que se lle deu a volta.

Como atopar a disposición idónea

O seguinte paso é atopar unha configuración que che guste. Se queres, podes probar diferentes distribucións no chan, xa que che resultará máis doado facer cambios. Cando atopes o equilibrio perfecto e teñas os modelos pegados á parede, pon os ganchos ou cravos nas marcas a través do papel.

Velaquí todos os marcos de fotos

Varios modelos de papel pegados a unha parede enriba dunha cadeira de brazos xiratoria HAVBERG en marrón dourado e unhas mesas auxiliares HOLMERUD.

Unha muller cun martelo sobre un cravo nun dos moitos modelos de papel con forma de cadros pegados á parede dunha sala de estar luminosa.

Velaquí todos os marcos de fotos

Do bosquexo ao marco

Cos ganchos ou cravos no sitio, retira todos os modelos de papel con coidado para que a fita non deixe marcas. Agora chega a mellor parte: poñer as imaxes. Se queres, podes usar un nivel para garantir que todo queda recto.

Unha muller suxeitando un marco contra unha parede que está chea de modelos de papel pegados. O marco ten o nivel TRIXIG.

A mellor calidade de imaxe

Voilà! O teu cuarto ten un novo centro de gravidade. E, ao poder cambiar os motivos dos cadros doadamente, poderás darlle outro estilo á parede sempre que che apeteza. Imaxinas a túa propia galería personalizada?

Velaquí todos os cadros en lenzo e listos para pendurar