Como elixir unha alfombra para a sala de estar
Moitas veces, montamos toda a sala de estar e deixamos cousas como a alfombra para o último o momento. Total: "é só un complemento". Pero, en realidade, a alfombra da sala de estar é a máis importante da casa (despois do felpudo), e non só un elemento de decoración: tamén é funcional, xa que evita o ruído de pisadas e a perda da calor.
- Páxina de información do produto
Na sala de estar, todo xira arredor do sofá
Unha alfombra, ademais de decorar, axúdanos a definir espazos diferentes, achega unha sensación acolledora á estancia e é un excelente illante acústico e térmico.
Para elixir unha alfombra, é necesario ter en conta, sobre todo, o tamaño e a disposición do sofá, que polo xeral é o elemento principal dunha zona tan importante como a sala de estar, na que se leva a cabo a maior parte da vida dunha casa, xa que é unha área social.
Aquí tes algúns puntos que considerar:
- Na sala de estar, realízanse moitas actividades, polo que é importante que a alfombra sexa moi resistente ao uso diario durante moito tempo.
- Esta alfombra debe ter o tamaño correcto. En caso contrario, non poderá cumprir a súa función. Por exemplo, se a alfombra escollida non cobre polo menos a lonxitude do sofá principal, pode parecer demasiado pequena.
- Se o sofá é cama, débese empregar unha alfombra plana (la) ou de pelo curto.
-
As alfombras con formas ou circulares poden ser ideais para definir pequenos espazos, como un recuncho de lectura, se as combinamos coa cadeira de brazos ou a butaca ideais.
