Unha sala de estar Japandi con cores e materiais inspirados na natureza

STOCKHOLM 2025 é unha declaración de amor aos materiais naturais e os estampados rechamantes. A alfombra 100% de la tecida á man e o puf de tecido Jacquard inspíranse nos longos paseos polas fragas suecas. Se se colocan diante dun sofá en tons naturais, crean un estilo que lembra á natureza escandinava.

Este recanto énchese de vida grazas ao contraste entre as liñas rectas do armario de ratán e as ondulacións suaves da cadeira negra de madeira curvada, cunha cor que contrarresta os mobles de madeira máis clara. O floreiro de cristal e os detalles de bronce realzan a equilibrada mestura de formas e materiais.

Colocado contra unha parede rústica, este armario de chapa de carballo almacena os obxectos que queres manter fóra da vista e serve como unha sutil declaración de estilo que complementa perfectamente o resto do mobiliario. Terás que aproximarte para apreciar os detalles máis sutís, como a chave de latón que achega un toque especial.

Este andel de chapa cepillada achega luminosidade e lixeireza ao cuarto grazas á súa singular estrutura, que non precisa ningún panel traseiro. Os andeis máis anchos ofrecen moito espazo para incluír toques persoais, como libros, adornos e obras de arte que complementan o estilo escandinavo.

A natureza está presente en todos os aspectos da colección STOCKHOLM 2025. Os materiais, as formas e as cores enriquécense uns aos outros. Dende a madeira maciza ata os motivos inspirados nos bosques, estas pezas crean un ambiente tranquilo, que resulta ao mesmo tempo sinxelo e refinado.