Saltar
GL ESgalego

Unha sala de estar ampla e moderna para pasar o día

Este espazo pequeno e diáfano combina un dormitorio, sala de estar, estudio e zona de gaming. Trátase dun sofisticado paraíso no que pasar tempo a soas ou con amigos. Os tons pastel e o toque beixe e gris manteñen un aspecto uniforme e potencian a sensación de que o espazo é máis amplo e alegre.

Unha sala de estar en tons pastel preparada para pasar o día cunha cama BLÅKULLEN en azul medio, un sofá cama amarelo e unha cadeira de brazos en verde oliva.
Unha sala de estar en tons pastel preparada para pasar o día cunha cama BLÅKULLEN en azul medio, un sofá cama amarelo e unha cadeira de brazos en verde oliva.

Unha zona de estudo luminosa e apracible

A vida, do mesmo xeito que o teu fogar, non deixa de mudar. Aquí creamos un recuncho acolledor para estudar en metade do cuarto cunha cadeira de brazos ampla en verde oliva e unha mesa auxiliar versátil e minimalista. Cando teñas visitas, podes transformala rapidamente nunha mesa de centro. E, se precisas concentrarte, abonda con que peches a cortina.

Unha cadeira de brazos LINNEBÄCK versátil en verde oliva nun cuarto amplo e apracible cunha mesa pequena e cortinas de cor beixe usadas para dividir a estancia.

Un sofá cama urbano rodeado de cores suaves

O sofá amarelo combina con mesas sinxelas e unha elegante lámpada de pé en branco. A mestura de mobles e cores versátiles crea un ambiente divertido e intuitivo que converte a túa vivenda nunha especie de espazo social que podes cambiar en cuestión de segundos. E sempre terás un tallo adicional para os convidados inesperados. Todo o mundo é benvido.

Velaquí todos os sofás cama
Unha sala de estar sofisticada preparada para pasar o día cun sofá cama FRIDHULT amarelo con coxíns e unha manta, e mesas laterais negras.
Unha sala de estar branca cunha funda nórdica BRUNKRISSLA e coxíns verdes e doutras cores nunha disposición acolledora nun sofá cama amarelo.
Velaquí todos os sofás cama

O arco da vella no teu fogar

Un andel aberto enriba da cama pode converterse nun elegante expositor co que renovar a estancia. Este floreiro, inspirado no arco da vella, é elegante e divertido ao mesmo tempo, e presenta un acabado brillante e estriado. Ponlle as túas flores favoritas ou déixao tal cal, como unha bonita escultura de vidro. A lámpada negra dálle carácter ao conxunto.

Velaquí toda a decoración
Un floreiro de vidro RÄFFELBJÖRK nunha cor madreperla brillante e coa forma do arco da vella, cunha flor branca nun andel.
Velaquí toda a decoración

Un elegante recanto de gaming

Esta zona de gaming, composta por un moble de TV, un armario e unha cadeira de brazos, presenta un deseño sinxelo con numerosas funcións e opcións de almacenaxe aberta e pechada. As portas corredizas danlle un estilo limpo e son perfectas para espazos estreitos. Tamén incorporamos armarios de cubo a xogo nas paredes para darlle un toque máis rechamante.

Velaquí todos os armarios
Unha zona de gaming versátil cun armario e un moble de TV SPIKSMED en gris claro e unha cadeira de brazos LINNEBÄCK en verde oliva.
Velaquí todos os armarios

Xoga coa distribución

Este espazo está dispoñible para moitas actividades, pero, grazas ás solucións de almacenaxe, non está ateigado de cousas. Mete toda a túa roupa de verán ou de inverno en caixas transparentes con rodas para conseguir unha sensación de amplitude durante todo o ano. E se as colocas a xeito de escaleira para acadares un resultado máis divertido?

Catro caixas de almacenaxe PANSARTAX con tapa de cor azul agrisada transparente montadas a xeito de escaleira e cheas de roupa.

Divide as zonas con téxtiles

Para que a transición dunha reparadora noite de descanso a un espazo cómodo no que pasar o día sexa máis sinxela, opta por unha cama ecléctica e téxtiles para dividir o espazo. Custarache menos durmir se optas por unha cortina opaca, e o bonito estampado en tons beixe daralle un aire elegante ao teu espazo (ademais de facelo máis acolledor).

Velaquí todas as cortinas
Unha cama BLÅKULLEN en azul medio con roupa de cama en morado claro e unha morea de tallos de madeira natural con patas moradas.
Detalle dun par de cortinas opacas LÖNNSTÄVMAL en beixe usadas para dividir un espazo e unha cama con roupa de cama morada detrás.
Velaquí todas as cortinas

Reflicte o teu estilo de vida (sempre xuvenil!)

Unha barra para roupa con rodas en negro é a solución de almacenaxe ideal para as persoas ás que lles gusta a moda e queren que a súa roupa e accesorios formen parte do espazo. É resistente, elegante e fácil de mover. Bótalle unha ollada ao teu modeliño da cabeza aos pés nun espello de corpo enteiro co que o cuarto parecerá máis luminoso e amplo.

Velaquí todos os espellos grandes
Un colgadoiro de interior/exterior TURBO negro con roupa de muller de cor verde, morada e amarela. Hai unha esteira de ioga en verde pastel no chan.
Un espello HOVET grande de cor negra nunha parede e un armario en gris claro á beira. Hai artigos de ximnasia en verde claro e roupa colorida.
Velaquí todos os espellos grandes

Un espazo divertido en tons pastel para os teus amigos e para ti

As cores claras, os detalles elegantes máis escuros e os mobles minimalistas danlle un aspecto optimista a esta sala de estar pequena e moderna. As cores pastel achegan un aspecto lixeiro, mentres que a almacenaxe pechada, as cortinas para separar o espazo e os detalles divertidos danlle encanto ás diferentes zonas. Cada metro parece espazoso e cheo de vida.

Unha sala de estar en tons pastel preparada para pasar o día cunha cama BLÅKULLEN en azul medio, un sofá cama amarelo e unha cadeira de brazos en verde oliva.

Cóntanos a túa experiencia!