Saltar
GL ESgalego

Sala de estar moderna e versátil en harmonía natural

Dámosche a benvida a unha sala de estar pequena e sinxela, pero que conta co espazo necesario para levar a cabo diferentes actividades. Está dividida en varias zonas, pero todas comparten unha estética común na que predomina a madeira clara, as cores verde e branca, e unha gran cantidade de plantas. Ten un estilo relaxado, e é harmoniosa e funcional, ideal para a vida moderna.

Libraría BILLY contra unha parede detrás dunha estrutura MITTZON con rodas, unha mesa de centro regulable ÖSTAVALL e un sofá PÄRUP.
Libraría BILLY contra unha parede detrás dunha estrutura MITTZON con rodas, unha mesa de centro regulable ÖSTAVALL e un sofá PÄRUP.

Solucións de almacenaxe sinxelas que crean ambiente

Aquí hai moito espazo de almacenaxe, cunha combinación de andeis abertos para un acceso fácil e portas que podes pechar para manter unha contorna máis sosegada. As librarías brancas de deseño sinxelo e o bambú das portas realzan o estilo moderno. A iluminación da parte superior resalta os teus obxectos favoritos, axúdate a atopar o que estás a buscar e contribúe a crear o ambiente perfecto.

Velaquí a serie BILLY
Unha lámpada de mesa BLÅSVERK amarela sobre un aparador preto de dúas librarías BILLY; unha ten portas HÖGADAL de bambú.
Velaquí a serie BILLY

A diversión empeza cando a abres

O sofá e a mesa de centro crean unha zona para relaxarse de diferentes xeitos. Podes subir ou baixar o taboleiro segundo a actividade que desexes realizar, e tamén para gardar cousas embaixo. A funda do sofá pódese lavar na lavadora, así que non terás que preocuparte polas manchas. Ambos combinan á perfección coa paleta de cores e o estilo da estancia, e tamén se adaptan ao estilo de vida moderno.

Unha mesa de centro regulable ÖSTAVALL co taboleiro elevado situada entre un sofá PÄRUP marrón dourado e unha cadeira de brazos FRÖSET.
Varias cadeixas de la, un teclado e xogos de mesa dentro dunha mesa de centro regulable ÖSTAVALL co taboleiro elevado.

Almacenaxe embaixo, galería de arte enriba

Os aparadores, cunha cor e un estilo moderno que combinan co cuarto, ofrecen almacenaxe aberta e pechada, así como espazo para colocar cousas na parte superior. As portas corredizas non sobresaen ao abrilas, polo que son ideais para espazos pequenos. Dous aparadores xuntos causan sensación e permítenche gardar o dobre de cousas. E aínda hai máis. Deixan oco na parede para que a decores, como estes cadros que lle levantan o ánimo a calquera.

Velaquí máis ideas para decorar a parede da sala de estar
Dous aparadores SPIKSMED en gris claro contra unha parede decorada con cadros; un ten unha lámpada de mesa BLÅSVERK enriba.
Velaquí máis ideas para decorar a parede da sala de estar

Separadores de ambientes flexibles

As estruturas con rodas con bloqueo separan o espazo para as actividades de lecer da zona onde se atopa o sofá para relaxarse. Podes movelas e crear espazos flexibles. As luces integradas crean o ambiente perfecto pola noite. As plantas engaden un toque natural, e a súa cor verde, xunto co branco das estruturas, realza a paleta de cores.

Velaquí todos os separadores de ambientes
Dúas estruturas brancas MITTZON con rodas colocadas unha á beira da outra, fronte a unha mesa auxiliar BURVIK e un sofá PÄRUP marrón dourado.
Varias plantas en recipientes nunha estrutura MITTZON branca con rodas nun cuarto solleiro.
Velaquí todos os separadores de ambientes

Harmonía natural dentro da túa sala de estar

Isto segue a ser o interior, pero coas plantas artificiais e as cadeiras de brazos de raias, é como se estiveses nunha terraza nun día solleiro. O ambiente é relaxado e harmonioso, acentuado polas cores verde e branca, e pola madeira clara da mesa auxiliar.

Dúas cadeiras de brazos ÖNNESTAD, unha cun coxín de lunares enriba, preto dunha mesa auxiliar BURVIK e unha combinación de almacenaxe JONAXEL.

Un cuarto versátil onde todo encaixa

A madeira clara e outros materiais naturais, o verde e o branco con toques de cor, e as plantas son a clave do estilo moderno deste cuarto. É pequeno, pero a división de zonas permíteche gozar dunha terraza no interior, un recuncho acolledor cun sofá e unha zona para as túas afeccións. E todo está en equilibrio.

Unha lámpada colgante REGOLIT pendurada sobre unha mesa de centro regulable ÖSTAVALL cerca dun sofá PÄRUP marrón dourado nunha sala de estar.

Cóntanos a túa experiencia!