Mestura distintas pezas para crear unha sala de estar escandinava con contrastes de estilo

Mesmo unha combinación de ton sobre ton pode achegar un aspecto dinámico cando as cores non coinciden exactamente, como as diferentes texturas e tonalidades de azul do puf e a manta. O estampado en branco e negro da alfombra 100% de la garante que todos os elementos do cuarto estean en sintonía.

Nada complementa mellor as cores vivas que a madeira clara e os tons neutros. O moble de ratán, a cadeira de brazos de liño tecido e a mesa de madeira teñen cores semellantes, pero texturas diferentes, o que achega un aire escandinavo clásico á estancia.

Móveas para ter as bebidas, os libros e as revistas sempre á man. A forma sinxela e as reducidas dimensións das mesas auxiliares facilitan o seu transporte, mentres que o deseño de chapa de piñeiro en dúas cores realza o estilo e permíteche presumir dos teus adornos favoritos.

Unha longa mesa de centro de piñeiro macizo convértese no escenario perfecto para expoñer preciosos adornos, como accesorios de latón e pezas de vidro soprado de diferentes cores e formas orgánicas.

Por algo se chama sala de "estar". Esta estancia, cunha mestura única de cores e materiais da colección STOCKHOLM 2025, é o mellor lugar para gozar do teu fogar.