Unha cociña moderna e elegante en tons escuros

Dálle a benvida a esta elegante e moderna cociña deseñada para ser o centro do teu fogar. Tivemos moi en conta os materiais, as cores e a disposición para crear un ambiente acolledor onde toda a familia poida reunirse para cociñar e compartir momentos inesquecibles.

Unha cociña moderna cunha illa de cociña e frontes SINARP de cor marrón combinadas con frontes NICKEBO en antracita mate.

Cor negra e madeira para conseguir un estilo atemporal

O aspecto moderno das frontes de cociña en antracita é realzado pola calidez da madeira do chan, do teito e das frontes de cociña dos armarios superiores para crear un deseño atemporal cunha gran personalidade. As plantas, os azulexos verdes e o mesado de cociña crean un ambiente acolledor e elegante que lembra a natureza.

Velaquí todas as portas e frontes de caixóns de cociña

Unha cociña en forma de U co chan e teito de madeira, paredes brancas, azulexos verdes e frontes de cociña en marrón e antracita mate.

Velaquí todas as portas e frontes de caixóns de cociña

A cociña, o centro dun fogar fluído

Unha placa con extractor integrado permíteche ver todo o que se coce na cociña e estar pendente dos teus convidados. Aquí, conectamos a cociña coa sala de estar grazas a varios armarios organizados e prácticos, polo que poderás conversar e cociñar ao tempo.

Tixola de ferro fundido na que se está a facer comida sobre unha placa de indución FÖRDELAKTIG xunto a un testo con herbas e unha botella de aceite.

Porta aberta dun armario baixo de esquina con carrusel UTRUSTA con olas e cuncos de aceiro inoxidable.

Unha illa de cociña como zona central

Unha illa de cociña pode ser moito máis que un simple espazo de traballo adicional. De feito, pode ser o punto de encontro do teu fogar. Un mesado de cociña en cadoiro, que se estende ata os laterais dos armarios, permite crear un estilo homoxéneo na cociña e ofrece unha zona na que tanto amizades como familiares poden reunirse.

Velaquí todos os mesados a medida

Dúas lámpadas de teito SKURUP negras iluminan unha illa de cociña onde se está a preparar unha comida.

Velaquí todos os mesados a medida

Tons escuros para un estado de ánimo brillante

A combinación de negro e madeira consegue que esta cociña teña un aspecto moderno e atemporal á vez que os detalles verdes achegan un toque natural e acolledor. A cociña optimizouse para socializar e, ademais, conéctase con outras zonas do fogar. Dedicar un pouco de mimo e atención á illa de cociña permite que se converta na alma do teu fogar.

Velaquí toda a iluminación de cociña