Unha cociña mediterránea moderna e chea de encanto

Nesta alegre cociña, que se deseñou para potenciar a creatividade e a conexión, únense tradición e grandes aspiracións. A almacenaxe práctica permite telo todo á man para cociñar decotío, mentres que os mesados amplos ofrecen espazo suficiente para cociñar pratos deliciosos e compartilos cos teus seres queridos. Un espazo cheo de vida co aroma fresco dos alimentos e a emoción do que está por vir.

Unha cociña moderna e luminosa cunha illa de cociña METOD branca, un mesado vermello, un vertedoiro negro e decoración elegante.

Unha despensa na illa de cociña: oculta, pero sempre á man

Os caixóns profundos converten esta illa de cociña nunha despensa que garda un segredo: un espazo de almacenaxe perfectamente organizado onde se gardan ingredientes, utensilios e enxoval de cociña. As especias, os cereais e os tarros están perfectamente aliñados en compartimentos accesibles, mentres que os cubertos e utensilios de cociña se gardan en separadores do tamaño perfecto, listos para usarse.

Xa está ben de rebuscar en armarios ata arriba de cousas. Cun pequeno tirón, terás á vista todo o que necesitas para cociñar sen esforzo e facilmente accesible.

Un moble de caixóns de cociña branco no que se aproveita ben o espazo, xa que está organizado con tarros, utensilios e cubertos.

Organiza os ingredientes con estilo

Velaquí todas as solucións de almacenaxe e organización de alimentos

Saltar a listaxe

Frasco de vidro transparente con tapa de abrazadeira metálica e selo de goma, corpo redondo e deseño transparente.

Que sería dunha cociña mediterránea sen unha táboa de cortar?

Nunha buliciosa cociña mediterránea, o mesado non é só a superficie: é onde os sabores cobran vida. A táboa de cortar LÄMPLIG queda preto do bordo e non se move mentres cortas, picas e trinchas os ingredientes. Está deseñada para adaptarse ao ritmo das túas actividades diarias na cociña e facilitarche a preparación. Só tes que poñer ao teu alcance o aceite de oliva, os produtos frescos e varios coitelos afiados.

Velaquí todos os coitelos e as táboas de cortar

Unha cociña moderna branca cun mesado con varios tomates frescos e unha aceiteira de vidro iluminados pola luz do sol.

Velaquí todos os coitelos e as táboas de cortar

Unha visión clara de todo o que se coce

Ao non ter armarios na parede, o espazo será máis aberto e luminoso. E, por suposto, tamén se evitan os golpes contra as portas abertas. Cun andel encaixado, poderás ter á man as táboas de cortar, o aceite e as especias sen limitar o espazo. Práctico? Por suposto. Pero tamén engade profundidade ao deseño e crea un punto focal natural que é elegante e funcional.

E non podemos ignorar o mesado EKBACKEN en cálida terracota. Os seus fermosos tons terra crean un interesante contraste coas liñas limpas e realzan o encanto mediterráneo. Porque a cociña debería ser tan boa como a comida que se elabore nela.

Unha cociña minimalista e bañada pola luz do sol con táboas de cortar de madeira apoiadas nunha parede de azulexos.

Pratos por aquí e cubertos por alá: pon a mesa sen esforzo

Unha cociña ben organizada facilita as comidas. Grazas a ter uns caixóns específicos para cada cousa, os pratos, as cuncas e os cubertos sempre estarán onde teñen que estar, listos para levalos á mesa. O portapratos UPPDATERA protexe as moreas e fai que sexan doadas de sacar, ben sexa para preparar un almorzo cotián como para montar unha cea por todo o alto.

Pasa o mesmo coas potas e as tapas. O soporte para tapas VARIERA pon orde ao caos habitual: mantén todo organizado e accesible. Porque, nesta cociña, só se debería xogar cos ingredientes, non cos pratos.

Velaquí todos os organizadores interiores

Unha cociña elegante cun mesado rosa, caixóns brancos con pratos verdes e un mantel individual tecido debaixo dun prato.

Un espazoso caixón de cociña cunha pota de aceiro inoxidable, tapas de potas e táboas de cortar madeira perfectamente ordenadas.

Velaquí todos os organizadores interiores

Máis espazo, máis persoas, máis momentos

Unha mesa redonda fomenta a conversa e crea un fluxo natural no que todos poden verse. Como non hai esquinas, conectar é máis doado. A mesa VIHALS ofrece espazo para comer en compañía e compartir historias, mentres que o seu deseño compacto permite acomodar a máis persoas se é necesario.

Un tallo que fai ás veces de asento extra ou de mesa adicional para servir achega versatilidade ao espazo. Unha mesa para comer, facer unha pausa para tomar un café ou prolongar a sobremesa.

Velaquí todas as mesas redondas