Unha cociña aberta onde a vida familiar e o estilo danse a man
Onde comeza e onde remata esta cociña? Nin se sabe nin importa: esta familia de gourmets adora cociñar unida e alongar a sobremesa ata que non quedan nin as migallas da torta. Con tanto espazo de almacenaxe e uns mesados tan amplos, (case) non hai límite para o número de chefs que se poden xuntar a cociñar.
As frontes VOXTORP lisas con tiradores integrados danlle un toque elegante, mentres que a península engade almacenaxe e espazo tanto para cortar como para leriar. E para quen simplemente queira relaxarse, hai sitio na mesa de comedor que está ao lado.
Almacenaxe e electrodomésticos de cociña intelixentes cun deseño integrado
Aínda que os armarios METOD desta cociña están cheos, tamén están organizados á perfección. Cada utensilio ten o seu sitio e cada ingrediente, o seu momento de gloria.
O equipamento axeitado fai que a túa cociña pase de ser útil a un lugar que adoras. Os electrodomésticos integrados, como a campá MÅNGSBO, son heroes na sombra: ocúpanse das tarefas diarias con eficacia e sen romper a estética.
Un dispositivo para cada receita, un lugar para cada dispositivo
Ten o mesado despexado e os utensilios de cociña, á man. Esta península ten caixóns profundos para gardar os electrodomésticos pequenos de maneira práctica.
Un dispositivo para cada receita, un lugar para cada dispositivo
Ten o mesado despexado e os utensilios de cociña, á man. Esta península ten caixóns profundos para gardar os electrodomésticos pequenos de maneira práctica.
Dende cociñar ata reciclar: esta cociña poncho fácil
Se equipas o teu vertedoiro coas solucións axeitadas, verás que cociñar e limpar se volven tarefas moito máis fluídas e gratificantes. Coa billa de cociña MAJSJÖN con cano extraíble e pulverizador, lavar a froita e a verdura é moi sinxelo. Ter o caldeiro de reciclaxe preto do vertedoiro asegúrache que as peles e os talos acaben onde tocan. Sen leas e sen estrés.
Ese lugar máxico entre a cociña e o comedor
Unha península de cociña atrae o bo ambiente como un imán: todas as persoas xúntanse aí de xeito natural para botar unhas gargalladas, petiscar algo e contar anécdotas. Ofrece as vantaxes dunha illa de cociña e ocupa menos espazo, con caixóns para os utensilios e unha superficie para preparar e servir, ademais de asentos para os teus catadores de preferencia.
Amplía a túa cociña ata o comedor: os armarios METOD con portas de vidro HEJSTA son o escaparate ideal para a túa louza e póñencho doado para engadir un prato máis se aparece un convidado sorpresa. Engade un caixón ou dous para os panos de mesa e os pousavasos (ou algunha que outra refección).
Un fogar que fomenta a conexión, da cociña ao sofá
Fai que a cociña se integre co comedor e a sala de estar para crear un espazo aberto onde todo (e todas as persoas) estea conectado. Esta península de cociña é o centro de operacións da familia, xa sexa para cortar, servir ou, simplemente, pasar uns intres. Na ampla mesa de comedor cabe calquera cousa ―dende a pasta dos martes ata partidas interminables de xogos de mesa―, e atópase a carón do sofá para as noites de videoxogos.
