Seis ideas de decoración para mellorar a produtividade e a creatividade no teu espazo de traballo

Se queres despexar un pouco o teu espazo de traballo, cambia a disposición do escritorio. Trátase dun cuarto demasiado pequeno? Pono nun lateral e ordena os libros e documentos en librarías ou estantes. Son ideas moi sinxelas que poden cambiar o ambiente do cuarto e axudarche a pensar con máis claridade.

Converte o teu espazo de traballo no teu recuncho favorito da casa. Desde candeas aromáticas ata texturas agradables, a decoración sensorial que estimula o olfacto, a vista, o oído, o gusto e o tacto pode unificar o espazo e facer máis levadías as horas de estudo e traballo.

Se tes pouca luz no teu espazo de traballo, cansaráseche a vista e sentirás que tes menos enerxía, aínda que non sexa así. Aínda que podes combinar moitos tipos de iluminación, como a luz xeral, a focalizada ou a ambiental, a máis importante é a luz directa. Bótalle unha ollada á nosa ampla gama de lámpadas de escritorio. Anímaste cunha de cores vistosas ou cunha forma divertida?

Caíches en que as mellores ideas xorden cando deixas de intentalo? Anota o que se che pase pola cabeza e deixa de pensar niso. Bota unha sesta, dáte un paseo, saborea un café ou charla cos amigos. Cando volvas mirar as notas, seguro que ves as cousas desde unha perspectiva completamente diferente.

Se queres conseguir un ambiente agradable e acolledor no teu espazo de traballo, proba con varias plantas. A alegría de velas medrar axudarache a estar sempre de bo humor, algo moi positivo para fomentar a creatividade.

Gustaríache concentrarte mellor? Converte o teu espazo de traballo nun punto de motivación diario cun panel visual personalizado. Decórao con citas motivadoras, obxectos que te inspiren e imaxes que che axuden a soñar co futuro e a non perder de vista os teus obxectivos. Trátase dunha solución sinxela pero moi eficiente para motivarte e encherte de enerxía.