Unha oficina doméstica que non interfire na vida diaria

Traballar dende casa é xenial, pero pode resultar difícil concentrarse. Dispón o espazo da túa oficina doméstica de xeito que favoreza a concentración. O escritorio MULLSJÖ ofrece unha morea de posibilidades para manter organizado o espazo de traballo. O seu módulo adicional ten a altura perfecta para a pantalla e proporciónache máis espazo para gardar o teclado e obxectos pequenos debaixo. O escritorio tamén inclúe un módulo de almacenaxe extraíble para que o coloques onde mellor che veña.

Precisas un lugar para pendurar os auriculares ou ter á man unha chaqueta nas mañás frías? Aproveita o gancho que leva o escritorio. Tampouco te preocupes pola maraña de cables: agóchaos no taboleiro e esquece que existen. Por último, escoitar a túa lista de reprodución favorita no noso novo altofalante podería ser xusto o que precisas para conseguir concentrarte. E nesas xornadas interminables, a cadeira de oficina SMÖRKULL proporciona o apoio perfecto para que poidas seguir un ritmo produtivo e relaxado. Grazas á súa funda lavable, é sinxelo mantela limpa, polo que estará como nova durante anos. Con esta sinxela e eficaz distribución de escritorio de oficina doméstica, non volverás perder a concentración. 

Manter separadas a vida laboral e a persoal non só che axuda a centrarte; tamén contribúe a que poidas desconectar polas noites, as fines de semana e os días libres. Cando remates a xornada laboral, garda todo o relacionado co traballo en caixas, carriños e armarios. Xa pasou a fin de semana? Con esta almacenaxe tan ben organizada, volverás poñelo todo en marcha en cuestión de minutos. 

O armario IDÅSEN e o carriño NISSAFORS veñen en cores vivas que achegan enerxía ao teu espazo de traballo, facendo que este recuncho se vexa sempre despexado, organizado e ordenado. Se tes un negocio, utiliza o interior das portas para colgar recibos e documentos importantes, de modo que sempre estean á man para a túa próxima sesión de contabilidade. Aínda que se trate dun espazo compartido, grazas aos armarios e estantes ben delimitados, os teus ficheiros de traballo estarán separados das cousas da túa parella, e así non terás que poñerte a buscar entre moreas de papeis os que precisas.

Abre as cortinas e mira ao teu arredor. Respira fondo, xanta coa túa parella e, se é posible, sal un rato a que che dea o aire. Que tes un prazo de entrega moi axustado? Aínda que non sexa o mesmo, proba a acender o purificador de aire. Por moita carga de traballo que teñas, é importante que cambies de sitio de cando en vez. 

Por exemplo, podes facer unha reunión no sofá ou preparar unha presentación co soporte para portátil BJÖRKÅSEN para apoialo mellor. Grazas a un práctico carriño, terás os papeis e os petiscos á man. Aí está a graza de teletraballar e, ademais, poderedes organizarvos mellor cando os dous esteades na casa.