Pequenas ideas de almacenaxe para o teu fogar

Convirte os recantos con formas estrañas que hai enriba das fiestras e portas en espazos de almacenaxe. Opta por caixas e obxectos cheos de estilo para darlle un aspecto máis personalizado. E xa que falamos de obxectos... Por que non presumes dos curiosos obxectos que atopaches na feira creando a túa propia galería na parede?

Sexa cal sexa o tamaño do teu fogar, sempre hai oco para os teus pasatempos favoritos. Unha esquina sen usar ou mesmo un oco estreito debaixo dun teito inclinado poden converterse nun espazo de traballo e un paraíso da almacenaxe para gardar todos os materiais que precisas para as túas actividades favoritas.

Ademais de achegar estilo, un carriño tamén é un moble moi práctico para o teu fogar. É ideal para calquera estancia e permite telo todo á man.

Dálle unha oportunidade á almacenaxe aberta, coa que non só gardarás todas as túas pertenzas, senón que poderás acceder facilmente a elas ao tempo que as integras na decoración para darlle un toque personalizado.

As túas pertenzas máis pequenas tamén merecen un sitio. Organizar as cousas máis diminutas en caixas transparentes ou pouco profundas é boa idea, xa que deste xeito asegúraste de atopalas sempre que as precises.

As caixas amontoables sácante dun apuro cando precisas gardar cousas de outras tempadas, ou se queres protexer as túas creacións e pertenzas do po, a sucidade e a humidade. Grazas ao plástico transparente, atoparás facilmente o que buscas sen ter que etiquetar as caixas.

Mesmo os fogares máis pequenos ofrecen oportunidades de almacenaxe intelixentes. A parte posterior dunha porta, os recantos con formas estrañas ou o oco debaixo do sofá poden darlle utilidade a un espazo desaproveitado. Podes engadir funcionalidade ata aos lugares máis insospeitados.