Como ordenar e organizar o calzado
Calzado de traballo que ocupa gran parte do recibidor, sandalias antigas que axexan baixo a cama... Hai que acabar con isto! O primeiro paso que hai que tomar coa almacenaxe do calzado é dividila en dúas categorías simples: "o que poño" e "o que non poño". O obxectivo é que o que si que pos sexa máis accesible, así como manter afastado o que non usas. Esta guía está chea de ideas de almacenaxe orixinais e prácticas para organizar o calzado no recibidor, e de moitos outros consellos para axudarche a ter controlados os zapatos, as botas, as deportivas, as chanquetas...
Aproveita espazos que non uses para colocar o teu calzado
Un bo xeito de que as botas e o calzado que poñas a diario se manteñan ordenados e accesibles é aproveitar o potencial dos espazos sen un uso concreto. Coa axuda da bandexa BAGGMUCK, o amplo espazo baixo un zapateiro ou un andel no recibidor poderían converterse no lugar onde deixar as botas. Do mesmo modo, se utilizas unha percha con pinzas, unha guía nunha parede baleira transfórmase no lugar idóneo para pendurar as botas e poñelas sempre que as precises. O teu calzado estarache moi agradecido!
Almacenaxe aberta ou pechada? Ti elixes!
Queres ver o calzado ou non? É unha das preguntas máis importantes ao organizar o calzado do día a día xunto á porta de entrada. A solución debe considerar o que encaixe mellor contigo e coa túa familia. A almacenaxe aberta, como a que ofrece o zapateiro MACKAPÄR amontoable, permite gardar máis zapatos e ocupar menos espazo no chan, e todo isto de xeito claro e accesible. A almacenaxe pechada para o calzado achega un aspecto minimalista e evita que os zapatos collan po. Tamén che resultará doado collelos, só que terás que lembrar en que compartimentos deixaches os que che interesan.
Calzado agochado a plena vista
Se che encanta o calzado e che gusta ter unha gran variedade á túa disposición para poñelo segundo o vaias necesitando, manteno ordenado e sen ocupar espazo no chan cun andel para zapatos fixo ou extraíble nun armario. O calzado que máis che gusta sempre estará aí cando o precises, e o resto do tempo permanecerá oculto para non coller po.
Presume do teu calzado favorito
Non tes por que ocultar o calzado. Fai que os teus produtos favoritos formen parte da decoración dunha maneira divertida e creativa. Por exemplo, poderías colocar o calzado sobre outras caixas para zapatos ou nun andel. Se queres algo máis sutil, podes probar as nosas caixas SKUBB que deixan ver o interior. Así, sempre terás o teu calzado á vista, ao mesmo tempo que o protexes do po. Achegan unha dose de personalidade e estilo a calquera cuarto, e axudan a que non esquezas onde está cada cousa.
Pensa no futuro coas caixas
Precisas apartar unhas botas que xa non vas poñer ata o próximo inverno ou queres gardar calzado que non empregas moi a miúdo? As caixas están aí para axudarche! As caixas SKUBB teñen capacidade para un par de zapatos, así como unha xanela que deixa ver o interior para que saibas que hai en cada unha. Se precisas gardar varios pares de zapatos (por exemplo, para que o irmán pequeno use o calzado que xa non lle sirva ao maior cando medre), as caixas SAMLA son máis grandes e transparentes, e inclúen unha tampa que permite empillalas con facilidade. Para evitar que se cree mofo, asegúrate de que o calzado estea sempre seco e limpo antes de gardalo, e non esquezas as formas, que impiden que os deseños delicados e de coiro suave se deformen.
Os heroes dos espazos pequenos
Non tes moito espazo para o calzado? Non hai problema. Aumenta as posibilidades de almacenaxe do teu espazo con organizadores de zapatos pequenos. Empilla andeis zapateiros GREJIG para crear un zapateiro compacto e discreto con múltiples posibilidades de almacenaxe. Outra opción para espazos pequenos é o zapateiro SKOSTALL: cada un ten capacidade para un par de zapatos a tres alturas diferentes. A estes produtos encántalles axudar a que o calzado estea ordenado ata nos espazos máis diminutos. Dálles unha oportunidade para que che demostren o que poden conseguir!
Cambia a perspectiva co calzado
Cando o recibidor ou o teu recanto particular non son compatibles con organizadores nin zapateiros, aposta por un enfoque alternativo con estas ideas de almacenaxe de calzado. Chegou o momento de que colgadoiros, ganchos, cestas e bancos de almacenaxe ocupen o lugar máis importante do recibidor. Un colgadoiro TJUSIG ou un gancho HÖGAFFEL na parede poden servir para organizar calzado informal e deportivas, igual que chaquetas e bolsos. Recomendámoste que cada calzado teña o seu propio gancho para que poidan estar tranquilos ata que os volvas necesitar.
