Un recibidor pequeno e moderno con almacenaxe para toda a familia

Como saír da casa con bebés e nenos pequenos pode converterse facilmente nunha misión imposible, amosámosche un recibidor pequeno, mais superorganizado, con numerosas ideas para satisfacer as necesidades de todos cun estilo fresco e inspirador. Cheo de cores e solucións de almacenaxe de parede, ofrece un estilo informal que parece sorprendentemente espazoso.

Unha barra para roupa MULIG na parede dun recibidor con roupa de exterior, cunha solución de almacenaxe colgante LEN e ganchos na parede que hai debaixo.

Todas as cousas do bebé, á man

O obxectivo detrás desta práctica zona de almacenaxe, nunha combinación de verde, beixe e gris, é que sempre teñas preparado todo o que podes precisar no último momento antes de saír. A mestura de solucións de almacenaxe, dende un gancho de inspiración náutica ata un sistema de almacenaxe téxtil pendurado na parede, permite gardar as cousas máis pequenas sen sacrificar o bo gusto.

Unha solución de almacenaxe colgante LEN en gris claro/lunares na parede con cousas de bebé, como un biberón e cueiros. Hai un sombreiro pendurado dun gancho a un lado.

Dous ganchos KNOPARE verdes nunha parede beixe. Un ten un sombreiro pendurado de cor marrón oxidado e o outro un bolso gris.

Unha solución de almacenaxe móbil

Este carriño branco, estreito e discreto, fúndese coa contorna para contribuír a crear un ambiente de calma. Cheo de caixas verdes e grises, combina coas cores do resto do espazo e satisfai todas as túas necesidades de almacenaxe, ben para gardar xoguetes, ben para almacenar mantas ou outros artigos de exterior xusto onde os precises.

Velaquí todos os carriños

Un carriño VESKEN branco no canto dun cuarto con dous xogos de caixas LEN en verde/gris claro e unha caixa LEN en gris claro.

Velaquí todos os carriños

Unha parede con estilo

Quen dixo que un zapateiro branco económico ten que ser discreto? Esta parede, cunha solución de almacenaxe discreta, reflicte a luz e potencia a sensación de amplitude xeral, ademais de ofrecer un lugar específico para manter os zapatos e as luvas á raia. A cadeira vermella proporciona un agradable toque de cor que dá unha cálida benvida tras un longo día.

Velaquí todos os zapateiros

Seis zapateiros TRONES brancos nunha parede cunha cadeira ÖSTANÖ en marrón avermellado diante e un sombreiro vermello e unha bufanda beixe enriba.

Cinco zapateiros TRONES brancos nunha parede, cun compartimento aberto para mostrar varios obxectos nun recipiente SUNNERSTA pequeno.

Velaquí todos os zapateiros

Solucións de almacenaxe que realzan a decoración

Saltar a listaxe

Organizador colgante de poliéster reciclado gris con petos e fiestras de malla

Sube o nivel da túa almacenaxe

Aproveitar os espazos máis altos para a almacenaxe permitirache crear un recibidor amplo e acolledor con máis superficie no chan. Aquí, o conxunto de caixas de almacenaxe tamén proporciona un aire ordenado e acolledor. Un consello final? Non subestimes o poder do espello. Ademais de telo á man para mirarte unha última vez, fai que o espazo pareza aínda máis amplo.

Oito armarios EKET en alto nunha parede con caixas, incluídas as do modelo KUGGIS. Hai unha barra para roupa MULIG debaixo con roupa de exterior.

Un espello colgante de parede GRANVÅG verde nunha parede cunha planta a un lado e unha lámpada de parede/lectura NYMÅNE branca no outro.

Un recibidor inundado de luz

Se o que procuras é un ambiente acolledor, as capas de luz son as túas aliadas. As lámpadas de parede destacan áreas específicas, mais a verdadeira estrela aquí é a lámpada colgante, cos seus estampados orgánicos e apracibles reflectidos polo recibidor. Crean un espazo dinámico e acolledor que dá a benvida a toda a familia e aos convidados.

Velaquí toda a iluminación