Un recibidor para entrar no fogar con bo pé de verdade

Chegar á casa debe ser sempre algo reconfortante, independentemente de como che fose o día. E dá igual o tamaño que teña o recibidor: asegurámoste que hai solucións para que cumpra a súa función á perfección todos e cada un dos días do ano. E si, iso tamén inclúe o recibidor dunha familia numerosa con infinidade de pares de zapatos e unha morea de cousas que gardar.

Un amplo recibidor cunhas escaleiras que dan a unha cociña. Nas paredes hai un colgadoiro NIPÅSEN e uns bancos, así como un banco de traballo.

Ás veces, o máis importante non levanta un palmo do chan

O felpudo SINDAL é precisamente unha desas cousas. Atópase xusto aí, no chan, e fai o seu traballo á perfección: nada máis e nada menos que evitar que a sucidade de fóra entre no fogar. Cando creas que xa non pode acumular máis sucidade, pásalle a aspiradora e sacúdeo, e pono de novo no seu sitio. Asegúrate de que todos os membros da familia saiban que a alfombra SINDAL marca o límite ata o que poden chegar os zapatos.

Imaxe vista dende arriba dunha alfombra SINDAL e a esquina dun banco NIPÅSEN cun chan de baldosas vermello e branco.

Almacenaxe de uso diario

As cousas que empregas a diario ocuparán as primeiras filas desta fantástica solución de almacenaxe. NIPÅSEN converterase no protagonista do teu recibidor, e nel poderás gardar chaquetas, o calzado, bolsos, gorras, paraugas e moito máis. Está dispoñible en dúas versións diferentes: un colgadoiro cun banco e zapateiro, e un banco con zapateiro. Ambas as dúas versións encaixan á perfección a unha coa outra, así que pon todas as que caiban no recibidor e observa o espectáculo. Son ideais para sentar e atar os zapatos, ou para agardar alguén con que vas saír.

Se segues a ter espazo libre na parede, monta uns ganchos máis, como os PINNING; nunca sobrarán. Engade tamén a bandexa para zapateiro BAGGMUCK na parte de embaixo dos módulos NIPÅSEN. Ocuparase de recoller as pedriñas ou a auga que o felpudo non puidese capturar na entrada.

Velaquí todos os colgadoiros e barras para colgar a roupa

Un colgadoiro e uns bancos NIPÅSEN cheos de calzado, chaquetas, sombreiros, cascos e unhas ferramentas de xardinaría, todo ordenado á perfección.

Velaquí todos os colgadoiros e barras para colgar a roupa

Unha espera máis amena

En todas as familias, sempre hai alguén a quen lle toca agardar a que os demais terminen de prepararse. En caso de que sexan os máis pequechos, non lles importará ter que agardar neste recibidor. A casa de bonecas FLISAT da parede fará que a espera sexa máis amena, e a parte de enriba da casa vén moi ben para gardar pequenos obxectos, como as chaves ou unhas lentes de sol. A bolsa de almacenaxe UPPSTÅ tamén contribúe á atmosfera acolledora do recibidor e serve para gardar todas esas cousas que non hai xeito de pendurar nos ganchos.

Primeiro plano dunha bolsa de almacenaxe UPPSTÅ verde enriba dun banco cuns xoguetes, uns rolos de papel e un pequeno peluche FABLER BJÖRN enriba.

Pon orde!

As caixas e as cestas son moi útiles para ordenar as cousas.

Saltar a listaxe

Cesta LJUNGAN: xute natural e branqueado, rectangular, trenzado a man, almacenamento ecolóxico.

Xa non hai escusa para non reciclar.

Cos caldeiros con tampa TRÖSKNING, reciclar deixará de ser unha molestia, e calquera poderá facelo. Os caldeiros pódense encastelar uns enriba doutros se che resulta máis cómodo. Tamén podes "reciclar", por así dicilo, unhas plantas ou unhas sementes, e colocalas enriba do banco de traballo BROR.

Velaquí todas as bolsas e caldeiros do lixo

Un banco de traballo BROR cunhas plantas, uns testos e varias ferramentas de xardinaría, así como tres caldeiros TRÖSKNING grises no andel de embaixo.

Velaquí todas as bolsas e caldeiros do lixo

Relaxa a mente e coida das plantas

Plantar unhas sementes, transplantar as túas plantas ou podalas vén moi ben para ter a mente ocupada e relaxarse. Garda todos os testos, a terra e as ferramentas no banco de traballo BROR para telo todo ao alcance da man cando queiras pasar o tempo facendo isto. Ademais, este banco dálle un toque natural ao teu recibidor. Na parede de enriba, unha guía e un recipiente HULTARP permiten ter as ferramentas sempre á man. Por outro lado, os andeis APOTEKARE ofrecen máis espazo de almacenaxe para ter ordenado o banco de traballo.

Unha parede de azulexos brancos cos andeis APOTEKARE e unha guía e un recipiente HULTARP con ferramentas de xardinaría, testos e plantas.

Unhas bonitas vistas e unha pouca cor aledan o día a calquera

Ganas de saír e ver mundo? Adiante! Un espello de corpo enteiro como o LINDBYN é algo que non pode faltar en ningún recibidor. Así, sempre haberá alguén ao outro lado dándoche a benvida, aínda que non haxa ninguén no fogar. No tocante á decoración, tenta usar a mesma cor para gardar certa coherencia, xa que as chaquetas e o resto dos obxectos xa se encargarán de dar un toque diferente.

Espello LINDBYN na parede; nel, reflíctese o outro lado do recibidor. No fondo hai un banco de traballo e, ao lado, unha cadeira vermella.

Almacenaxe para todas as épocas do ano

Para ter sempre ordenado o recibidor, garda todo o que non esteas a empregar agora mesmo. As portas deste armario PAX agochan unha morea de roupa e outras cousas perfectamente organizadas para atopalas con facilidade cando as precises. Este armario é ideal para espazos reducidos grazas ás portas corredizas e ao feito de que teña pouca profundidade.

Velaquí o sistema PAX

Un armario PAX branco con portas corredizas no recuncho dun recibidor. O armario ten unha porta aberta, e na parte de enriba hai varias cestas e caixas.

Velaquí o sistema PAX

Xa estou aquí!

Se queres resolver algúns dos teus problemas diarios e que todo sexa máis doado, un dos remedios máis sinxelos e accesibles é reorganizar o recibidor. Se queres que o teu recibidor deixe de ser un caos e se converta nun lugar acolledor, engade solucións de almacenaxe de varios tipos, aproveita ben as paredes e garda todo o que non empregues. Entón, a que esperas? Ponte a traballar e comeza a planificar o teu recibidor. Sempre desexarás chegar ao teu fogar para admirar a túa obra de arte.