Como coidar dos coitelos

É máis seguro usar un coitelo afiado que un romo, polo que deberías afialos de cando en vez. Por exemplo, unha vez á semana. Recorda que o material que uses para afialos debe ser máis duro que o aceiro da folla. Concretamente, recomendámosche que empregues algo fabricado con cerámica ou aceiro cromado, unha pedra de afiar ou un afiador de coitelos. Non esquezas que as follas dos coitelos con bordos serrados (como a dos coitelos para cortar o pan) debe afialas un profesional. Non cortes comida que estea conxelada nin moi dura (como ósos), xa que podería dobrarse o bordo ou danarse a folla. Se vas cortar alimentos duros, faino movendo o coitelo adiante e atrás. Evita facelo dun lado a outro.

Un aspecto moi importante á hora de coidar coitelos, que adoita esquecerse con facilidade, ten que ver con como almacenalos adecuadamente. Se os gardas como se debe, evitarás que se danen as follas e reducirás o risco de cortes accidentais. Por non mencionar que axudarás a prolongar a súa vida útil. Recomendamos gardalos nun bloque de coitelos, na bandexa dun caixón da cociña ou nun soporte magnético na parede.